اندیشہ ہائے روز مکافات اور میں — شبنم شکیل
شاعر
اندیشہ ہائے روز مکافات اور میں
اندیشہ ہائے روز مکافات اور میں
اس دل کے بے شمار سوالات اور میں
خلق خدا پہ خلق خدا کی یہ دار و گیر
حیراں خدائے ارض و سماوات اور میں
کیا تھی خوشی اور اس کی تھی کیا قیمت خرید
اب رہ گئے ہیں ایسے حسابات اور میں
ہر لحظہ زندگی کی عنایات اور وہ
ہر لمحہ ایک مرگ مفاجات اور میں
پہلے صداقتوں کے وہ پرچار اور دل
اب قول و فعل کے یہ تضادات اور میں
ہاروں گی میں ہی مجھ کو یہ وہم و گماں نہ تھا
آپس میں جب حریف تھے حالات اور میں
ہم راز و ہم سخن تھا مگر اس کے باوجود
ٹکرائے میرے دل کے مفادات اور میں
شبنم شکیل
Andesha haye roz-e-mukafat aur main
Andesha haye roz-e-mukafat aur main
Is dil ke be-shumar sawalaat aur main
Khalq-e-khuda pe khalq-e-khuda ki ye dar-o-geer
Hairan khuda-e-arz-o-samawat aur main
Kya thi khushi aur us ki thi kya qeemat-e-khareed
Ab reh gaye hain aise hisabaat aur main
Har lahza zindagi ki inayaat aur woh
Har lamha ek marg-e-mufajat aur main
Pehle sadaqaton ke woh parchar aur dil
Ab qaul-o-feal ke ye tazadaat aur main
Haroon gi main hi mujh ko ye wahm-o-gumaan na tha
Aapas mein jab hareif the halaat aur main
Humraaz-o-hamsukhan tha magar us ke bawajood
Takraaye mere dil ke mafaadaat aur main
شاعر کے بارے میں
شبنم شکیل اردو کی معروف شاعرہ، ادیبہ، نقاد اور ماہرِ تعلیم تھیں جنہوں نے جدید اردو غزل اور نظم میں نسائی احساسات، محبت، تنہائی، داخلی کرب، سماجی شعور اور خود آگہی کو نہایت وقار اور فکری گہرائی کے ساتھ پیش کیا۔ وہ 12 مارچ 1942ء کو لاہور میں پیدا ہوئیں اور ایک علمی و ادبی گھرانے سے تعلق رکھتی تھیں۔ ان کے والد سید عابد علی عابد اردو ادب کی ممتاز شخ...
مکمل تعارف پڑھیں