بات ایما و اشارت سے بڑھی آپ ہی آپ — شبنم شکیل
شاعر
بات ایما و اشارت سے بڑھی آپ ہی آپ
بات ایما و اشارت سے بڑھی آپ ہی آپ
اس کی قربت میں بہلنے لگا جی آپ ہی آپ
تازہ کلیوں کے تبسم کا سبب کیا ہوگا
آیا کرتی ہے جوانی میں ہنسی آپ ہی آپ
زرد ہاتھوں پہ محبت کی لہو رنگ حنا
وقت آیا تو رچی اور رچی آپ ہی آپ
بس کہ رکھا تھا مکاں مدتوں تم نے خالی
اس میں بد روح کوئی بسنے لگی آپ ہی آپ
راکھ بنتے وہی چہرہ نہیں دیکھا جاتا
جس کے شعلے کی کبھی دھوم مچی آپ ہی آپ
بنت حوا کسی چہرے سے نہ دھوکا کھائے
کینچلی سانپ بدلتا ہے نئی آپ ہی آپ
کاش ایسا بھی ہو قیمت نہ ادا کرنی پڑے
اور مل جائے مجھے کوئی خوشی آپ ہی آپ
Baat ema o isharat se badhi aap hi aap
Baat ema o isharat se badhi aap hi aap
Uss ki qurbat mein behalne laga ji aap hi aap
Taaza kaliyon ke tabassum ka sabab kya hoga
Aaya karti hai jawani mein hansi aap hi aap
Zard haathon pe mohabbat ki lahu rang hina
Waqt aaya to rachi aur rachi aap hi aap
Bas ke rakha tha makaan muddatoñ tum ne khaali
Iss mein bad rooh koi basne lagi aap hi aap
Raakh bante wahi chehra nahin dekha jaata
Jiss ke shole ki kabhi dhoom machi aap hi aap
Bint-e-Hawa kisi chehre se na dhoka khaaye
Kainchli saanp badalta hai nayi aap hi aap
Kaash aisa bhi ho qeemat na ada karni pade
Aur mil jaaye mujhe koi khushi aap hi aap
شاعر کے بارے میں
شبنم شکیل اردو کی معروف شاعرہ، ادیبہ، نقاد اور ماہرِ تعلیم تھیں جنہوں نے جدید اردو غزل اور نظم میں نسائی احساسات، محبت، تنہائی، داخلی کرب، سماجی شع...
مکمل تعارف پڑھیں