بدل چکی ہے ہر اک یاد اپنی صورت بھی — شبنم شکیل
شاعر
بدل چکی ہے ہر اک یاد اپنی صورت بھی
بدل چکی ہے ہر اک یاد اپنی صورت بھی
وہ عہد رفتہ کا ہر خواب ہر حقیقت بھی
کچھ ان کے کام نکلتے ہیں دشمنی میں مری
میں دشمنوں کی ہمیشہ سے ہوں ضرورت بھی
کسی بھی لفظ نے تھاما نہیں ہے ہاتھ مرا
میں پڑھ کے دیکھ چکی آخری عبارت بھی
یہ جس نے روک لیا مجھ کو آگے بڑھنے سے
وہ میری بے غرضی تھی مری ضرورت بھی
مری شکستہ دلی ہی بروئے کار آئی
وگرنہ وقت تو کرتا نہیں رعایت بھی
میں اپنی بات کسی سے بھی کر نہ پاؤں گی
مجھے تباہ کرے گی یہ میری عادت بھی
میں کیسے بات بھلا دل کی مان لوں شبنمؔ
کہ اس کو مجھ سے محبت بھی تھی عداوت بھی
یہ میرا عجز کہ دل میں اسے اترنے دیا
یہ اس کا مان کہ مانگی نہیں اجازت بھی
Badal chuki hai har ek yaad apni soorat bhi
Badal chuki hai har ek yaad apni soorat bhi
Woh ahd-e-rafta ka har khwab har haqeeqat bhi
Kuch un ke kaam nikalte hain dushmani mein meri
Main dushmanon ki hamesha se hoon zaroorat bhi
Kisi bhi lafz ne thaama nahin hai haath mera
Main padh ke dekh chuki aakhiri ibarat bhi
Yeh jis ne rok liya mujh ko aage badhne se
Woh meri be-gharzi thi meri zaroorat bhi
Meri shikast-e-dili hi barooye-kaar aayi
Wagarna waqt to karta nahin riayat bhi
Main apni baat kisi se bhi kar na paaungi
Mujhe tabah karegi yeh meri aadat bhi
Main kaise baat bhala dil ki maan loon Shabnam
Ke uss ko mujh se mohabbat bhi thi adawat bhi
Yeh mera ajz ke dil mein usay utarne diya
Yeh uss ka maan ke maangi nahin ijazat bhi
شاعر کے بارے میں
شبنم شکیل اردو کی معروف شاعرہ، ادیبہ، نقاد اور ماہرِ تعلیم تھیں جنہوں نے جدید اردو غزل اور نظم میں نسائی احساسات، محبت، تنہائی، داخلی کرب، سماجی شع...
مکمل تعارف پڑھیں