بسے ہوئے تو ہیں لیکن دلیل کوئی نہیں — شبنم شکیل
شاعر
بسے ہوئے تو ہیں لیکن دلیل کوئی نہیں
بسے ہوئے تو ہیں لیکن دلیل کوئی نہیں
کچھ ایسے شہر ہیں جن کی فصیل کوئی نہیں
کسی سے کس طرح انصاف مانگنے جاؤں
عدالتیں تو بہت ہیں عدیل کوئی نہیں
سبھی کے ہاتھوں پہ لکھا ہے ان کا نام و نسب
قبیل دار ہیں سب بے قبیل کوئی نہیں
ہے دشت غم کا سفر اور مجھے خبر بھی ہے
کہ راستے میں کہیں سنگ میل کوئی نہیں
ابھی سے ڈھونڈ کے رکھو نظر میں راہ مفر
یہاں ہے پیاس سے مرنا سبیل کوئی نہیں
مری شناخت الگ ہے تری شناخت الگ
یہ زعم دونوں کو اپنا مثیل کوئی نہیں
Base hue to hain lekin daleel koi nahin
Base hue to hain lekin daleel koi nahin
Kuch aise shehr hain jin ki faseel koi nahin
Kisi se kis tarah insaaf maangne jaaun
Adalaten to bahut hain adeel koi nahin
Sabhi ke haathon pe likha hai un ka naam-o-nasab
Qabeel daar hain sab be-qabeel koi nahin
Hai dasht-e-gham ka safar aur mujhe khabar bhi hai
Ke raaste mein kahin sang-e-meel koi nahin
Abhi se dhoond ke rakho nazar mein raah-e-mafar
Yahan hai pyaas se marna sabeel koi nahin
Meri shanakht alag hai teri shanakht alag
Yeh zaum donon ko apna maseel koi nahin
شاعر کے بارے میں
شبنم شکیل اردو کی معروف شاعرہ، ادیبہ، نقاد اور ماہرِ تعلیم تھیں جنہوں نے جدید اردو غزل اور نظم میں نسائی احساسات، محبت، تنہائی، داخلی کرب، سماجی شع...
مکمل تعارف پڑھیں