بے وفا سے سوال کیا کرنا — شبنم شکیل
شاعر
بے وفا سے سوال کیا کرنا
بے وفا سے سوال کیا کرنا
زندگی کو وبال کیا کرنا
اس کی یادیں ہیں اس کے ہونے میں
زخم کا اندمال کیا کرنا
عمر کی شام ہونے والی ہے
ذکر صبح جمال کیا کرنا
جیسے گزری گزر ہی جائے گی
رابطوں کو بحال کیا کرنا
ایک اس کا خیال کافی ہے
ہر کسی کا خیال کیا کرنا
جو بھی ملنے تھے دکھ ملے شبنمؔ
ان دکھوں کا ملال کیا کرنا
Bewafa se sawal kya karna
Bewafa se sawal kya karna
Zindagi ko wabaal kya karna
Us ki yaaden hain us ke hone mein
Zakhm ka indimaal kya karna
Umar ki shaam hone wali hai
Zikr-e-subh-e-jamaal kya karna
Jaise guzri guzar hi jaayegi
Rabitoun ko bahaal kya karna
Ek us ka khayal kaafi hai
Har kisi ka khayal kya karna
Jo bhi milne the dukh mile Shabnamؔ
Un dukhon ka malaal kya karna
شاعر کے بارے میں
شبنم شکیل اردو کی معروف شاعرہ، ادیبہ، نقاد اور ماہرِ تعلیم تھیں جنہوں نے جدید اردو غزل اور نظم میں نسائی احساسات، محبت، تنہائی، داخلی کرب، سماجی شع...
مکمل تعارف پڑھیں