در آیا اندھیرا آنکھوں میں اور سب منظر دھندلائے ہیں — شبنم شکیل
شاعر
در آیا اندھیرا آنکھوں میں اور سب منظر دھندلائے ہیں
در آیا اندھیرا آنکھوں میں اور سب منظر دھندلائے ہیں
یہ وقت ہے دل کے ڈوبنے کا اور شام کے گہرے سائے ہیں
یہ ذرا ذرا سی خوشیاں بھی تو لاکھ جتن سے ملتی ہیں
مت چھیڑو ریت گھروندوں کو کس مشکل سے بن پائے ہیں
وہ لمحہ دل کی اذیت کا تو گزر گیا اب سوچنے دو
کیا کہنا ہوگا ان سے مجھے جو پرسش غم کو آئے ہیں
جلتی ہوئی شمعوں نے اکثر احساس کی راکھ کو بھڑکایا
قربت میں دمکتے چہروں کی تنہائی کے دکھ یاد آئے ہیں
سوچوں کو تر و تازہ رکھا شبنمؔ ترے پیہم اشکوں نے
حیرت ہے کہ عہد خزاں میں بھی یہ پھول نہیں کمھلائے ہیں
Dar aaya andhera aankhon mein aur sab manzar dhundlaaye hain
Dar aaya andhera aankhon mein aur sab manzar dhundlaaye hain
Yeh waqt hai dil ke doobne ka aur shaam ke gehre saaye hain
Yeh zara zara si khushiyan bhi to laakh jatan se milti hain
Mat chhedo reet gharaundon ko kis mushkil se ban paaye hain
Woh lamha dil ki aziyat ka to guzar gaya ab sochne do
Kya kehna hoga un se mujhe jo pursish-e-gham ko aaye hain
Jalti hui sham'on ne aksar ehsaas ki raakh ko bhadkaya
Qurbat mein damakte chehron ki tanhaayi ke dukh yaad aaye hain
Sochon ko tar-o-taza rakha Shabnam tere paiham ashkon ne
Hairat hai ke ahd-e-khizaan mein bhi yeh phool nahin kumhlaaye hain
شاعر کے بارے میں
شبنم شکیل اردو کی معروف شاعرہ، ادیبہ، نقاد اور ماہرِ تعلیم تھیں جنہوں نے جدید اردو غزل اور نظم میں نسائی احساسات، محبت، تنہائی، داخلی کرب، سماجی شع...
مکمل تعارف پڑھیں