دل میں خوں اور آنکھ میں پانی بہت — شبنم شکیل
شاعر
دل میں خوں اور آنکھ میں پانی بہت
دل میں خوں اور آنکھ میں پانی بہت
ایک تھوڑی سی پریشانی بہت
چپ رہیں تو دل سراپا اضطراب
بات کرنے میں پشیمانی بہت
دیکھے بھالے راستے غم کے تمام
دل کی گلیاں جانی پہچانی بہت
اس کے جیسے ہوں گے لیکن وہ کہاں
نقش اول ایک اور ثانی بہت
ہم کہاں ہوتے تھے خود کو دستیاب
کھل رہی ہے اب یہ ارزانی بہت
کس طرح رکھتے ہم آخر جاں عزیز
دل کیا کرتا تھا من مانی بہت
اس سے کیا بے قدردانی کا گلا
ہم نے قدر اپنی کہاں جانی بہت
خود اسے شبنمؔ بناتے ہیں محال
دیکھتے ہیں جس میں آسانی بہت
Dil mein khoon aur aankh mein pani bahut
Dil mein khoon aur aankh mein pani bahut
Ek thodi si pareshani bahut
Chup rahein to dil sarapa iztirab
Baat karne mein pashemani bahut
Dekhe bhale raste gham ke tamam
Dil ki galiyan jaani pehchaani bahut
Us ke jaise honge lekin woh kahan
Naqsh-e-awwal ek aur saani bahut
Hum kahan hote the khud ko dastiyab
Khul rahi hai ab ye arzaani bahut
Kis tarah rakhte hum aakhir jaan aziz
Dil kiya karta tha man maani bahut
Us se kya be-qadardaani ka gila
Hum ne qadr apni kahan jaani bahut
Khud use shabnam, banate hain mahal
Dekhte hain jis mein aasani bahut
شاعر کے بارے میں
شبنم شکیل اردو کی معروف شاعرہ، ادیبہ، نقاد اور ماہرِ تعلیم تھیں جنہوں نے جدید اردو غزل اور نظم میں نسائی احساسات، محبت، تنہائی، داخلی کرب، سماجی شع...
مکمل تعارف پڑھیں