دور ہوا ابہام کہانی ختم ہوئی — شبنم شکیل
شاعر
دور ہوا ابہام کہانی ختم ہوئی
دور ہوا ابہام کہانی ختم ہوئی
آ پہنچا انجام کہانی ختم ہوئی
شہزادہ شہزادی رستہ بھول گئے
راہ میں ہو گئی شام کہانی ختم ہوئی
مت چھیڑو وہ ساز تعلق ختم ہوا
مت لو اس کا نام کہانی ختم ہوئی
کس کی خاطر اب تو دھڑکتا رہتا ہے
اے دل کر آرام کہانی ختم ہوئی
سننے والے بس تھوڑا سا صبر کریں
قصہ ہوا تمام کہانی ختم ہوئی
گزری عمر کی باتوں کو دہرانا کیا
اب خواہش ہے خام کہانی ختم ہوئی
یاد نہیں ہے بچھڑے وہ کردار کہاں
یاد نہیں کس گام کہانی ختم ہوئی
شبنمؔ آؤ نیا سفر آغاز کریں
یاں اپنا کیا کام کہانی ختم ہوئی
Dur hua ibhaam kahani khatm hui
Dur hua ibhaam kahani khatm hui
Aa pahuncha anjaam kahani khatm hui
Shehzada shehzadi raste bhool gaye
Raah mein ho gayi shaam kahani khatm hui
Mat chhedo woh saaz t'alluq khatm hua
Mat lo us ka naam kahani khatm hui
Kis ki khaatir ab tu dhadakta rehta hai
Aye dil kar aaraam kahani khatm hui
Sunne wale bas thoda sa sabr karein
Qissa hua tamaam kahani khatm hui
Guzri umr ki baaton ko दोहराना kya
Ab khwahish hai khaam kahani khatm hui
Yaad nahin hai bichhde woh kirdaar kahan
Yaad nahin kis gaam kahani khatm hui
Shabnam aao naya safar aaghaz karein
Yaan apna kya kaam kahani khatm hui
شاعر کے بارے میں
شبنم شکیل اردو کی معروف شاعرہ، ادیبہ، نقاد اور ماہرِ تعلیم تھیں جنہوں نے جدید اردو غزل اور نظم میں نسائی احساسات، محبت، تنہائی، داخلی کرب، سماجی شع...
مکمل تعارف پڑھیں