گئے برس کی یہی بات یادگار رہی — شبنم شکیل
شاعر
گئے برس کی یہی بات یادگار رہی
گئے برس کی یہی بات یادگار رہی
فضا غموں کے لیے خوب سازگار رہی
اگرچہ فیصلہ ہر بار اپنے حق میں ہوا
سزائے جرم بہرحال بر قرار رہی
بدلتی دیکھیں وفاداریاں بھی وقت کے ساتھ
وفا جہاں کے لیے ایک کاروبار رہی
اب اپنی ذات سے بھی اعتماد ان کا اٹھا
وہ جن کی بات کبھی حرف اعتبار رہی
خبر تھی گو اسے اب معجزے نہیں ہوتے
حیات پھر بھی مگر محو انتظار رہی
نہ کوئی حرف ملامت نہ کوئی کلمۂ خیر
یہ زیست اب نہ کسی کی بھی زیر بار رہی
یہ اور بات کہ دل غم میں خود کفیل ہوا
مگر وہ آنکھ مرے غم میں اشک بار رہی
Gaye baras ki yahi baat yaadgaar rahi
Gaye baras ki yahi baat yaadgaar rahi
Faza ghamon ke liye khoob saazgaar rahi
Agarcha faisla har baar apne haq mein hua
Sazaa-e-jurm behrhaal barqarar rahi
Badalti dekhi hain wafadarian bhi waqt ke saath
Wafa jahan ke liye ek karobar rahi
Ab apni zaat se bhi aetmaad un ka utha
Woh jin ki baat kabhi harf-e-aetbaar rahi
Khabar thi go use ab mojize nahin hote
Hayat phir bhi magar mahv-e-intezar rahi
Na koi harf-e-malaamat na koi kalma-e-khair
Yeh zeest ab na kisi ki bhi zer-e-baar rahi
Yeh aur baat ke dil gham mein khud kafeel hua
Magar woh aankh mere gham mein ashkbaar rahi
شاعر کے بارے میں
شبنم شکیل اردو کی معروف شاعرہ، ادیبہ، نقاد اور ماہرِ تعلیم تھیں جنہوں نے جدید اردو غزل اور نظم میں نسائی احساسات، محبت، تنہائی، داخلی کرب، سماجی شع...
مکمل تعارف پڑھیں