ہاتھ نہ آئی دنیا بھی اور عشق میں بھی گمنام رہے — شبنم شکیل
شاعر
ہاتھ نہ آئی دنیا بھی اور عشق میں بھی گمنام رہے
ہاتھ نہ آئی دنیا بھی اور عشق میں بھی گمنام رہے
سوچ کے اب شرمندہ ہیں کیوں دونوں میں ناکام رہے
اب تک اس کے دم سے اپنی خوش فہمی تو قائم ہے
اچھا ہے جو بات میں اس کی تھوڑا سا ابہام رہے
ہم نے بھی کچھ نام کیا تھا ہم کو بھی اعزاز ملے
عشق میں ہم بھی اک مدت تک مورد صد دشنام رہے
میرے پاس تو اپنے لیے بھی اکثر کوئی وقت نہ تھا
ہاں جو فراغت کے لمحے تھے تیری یاد کے نام رہے
واقف حال تو ہے وہ اپنا منصف جانبدار سہی
اس کے ہر انصاف کا لیکن میرے سر الزام رہے
آج کا دن بھی بے مصرف سی سوچوں ہی میں بیت گیا
آج کے دن بھی یوں ہی پڑے پھر گھر کے سارے کام رہے
Haath na aayi duniya bhi aur ishq mein bhi gumnaam rahe
Haath na aayi duniya bhi aur ishq mein bhi gumnaam rahe
Soch ke ab sharminda hain kyun donon mein nakaam rahe
Ab tak us ke dam se apni khush-fehmi to qaim hai
Achha hai jo baat mein us ki thoda sa ibhaam rahe
Hum ne bhi kuch naam kiya tha hum ko bhi a'zaz mile
Ishq mein hum bhi ik muddat tak mawrid-e-sad dushnaam rahe
Mere paas to apne liye bhi aksar koi waqt na tha
Haan jo faraghat ke lamhe the teri yaad ke naam rahe
Waqif-e-haal to hai woh apna munsif jaanibdar sahi
Us ke har insaaf ka lekin mere sar ilzaam rahe
Aaj ka din bhi be-masraf si sochon hi mein beet gaya
Aaj ke din bhi yun hi pade phir ghar ke saare kaam rahe
شاعر کے بارے میں
شبنم شکیل اردو کی معروف شاعرہ، ادیبہ، نقاد اور ماہرِ تعلیم تھیں جنہوں نے جدید اردو غزل اور نظم میں نسائی احساسات، محبت، تنہائی، داخلی کرب، سماجی شع...
مکمل تعارف پڑھیں