ہیں مناظر سب بہم پردہ نظر باقی نہیں

ہیں مناظر سب بہم پردہ نظر باقی نہیں
سامنے منزل ہے لیکن رہ گزر باقی نہیں
شاعری جس نے چھڑائے تھے جہاں کے کاروبار
اب تکلف بر طرف اس میں ہنر باقی نہیں
شہر نو میں کیوں رہے اب یہ شکستہ سا مکاں
گر کھڑی دیوار کوئی ہے تو در باقی نہیں
وہ تو جادو کا بنا تھا ہائے ایسا ہی نہ ہو
لوٹ کر پہنچوں تو دیکھوں اب وہ گھر باقی نہیں
مطمئن تھے خوش تھے اور دنیا میں بھی مصروف تھے
ہم تو سمجھے تھے کہ اب فن کا سفر باقی نہیں
اب یہ لازم ہے کہ اس دنیا میں جینا سیکھ لوں
خوب پر قانع رہوں جب خوب تر باقی نہیں
آپ سونے کا قفس لانے کی زحمت مت کریں
ہم وہ طائر ہیں کہ جن کے بال و پر باقی نہیں

Hain manazir sab baham parda-e-nazar baqi nahin

Hain manazir sab baham parda-e-nazar baqi nahin
Samne manzil hai lekin rehguzar baqi nahin
Shairi jis ne chhudaaye the jahan ke kaarobar
Ab takalluf bar taraf us mein hunar baqi nahin
Shehr-e-nau mein kyun rahe ab ye shikasta sa makaan
Gar khadi deewar koi hai to dar baqi nahin
Woh to jadu ka bana tha haaye aisa hi na ho
Laut kar pahunchun to dekhun ab woh ghar baqi nahin
Mutmain the khush the aur duniya mein bhi masroof the
Hum to samjhe the ke ab fun ka safar baqi nahin
Ab ye laazim hai ke is duniya mein jeena seekh loon
Khoob par qane rahoon jab khoob-tar baqi nahin
Aap sone ka qafas laane ki zehmat mat karein
Hum woh taair hain ke jin ke baal-o-par baqi nahin

شاعر کے بارے میں

شبنم شکیل اردو کی معروف شاعرہ، ادیبہ، نقاد اور ماہرِ تعلیم تھیں جنہوں نے جدید اردو غزل اور نظم میں نسائی احساسات، محبت، تنہائی، داخلی کرب، سماجی شع...

مکمل تعارف پڑھیں

ہیں مناظر سب بہم پردہ نظر باقی نہیں — شبنم شکیل

شاعر