ہم نشینو کچھ نہیں رکھا یہاں پر کچھ نہیں — شبنم شکیل
شاعر
ہم نشینو کچھ نہیں رکھا یہاں پر کچھ نہیں
ہم نشینو کچھ نہیں رکھا یہاں پر کچھ نہیں
چھوڑ دو اس کی ہوس دنیا کے اندر کچھ نہیں
در کھلا ہی رہنے دو گھر سے نکلتے وقت تم
کچھ اگر ہے تو تمہاری ذات ہے گھر کچھ نہیں
بائیں میں سورج رہے اور چاند دہنے ہاتھ میں
دل اگر روشن نہیں تو شعبدہ گر کچھ نہیں
میں سراپا رات بھی ہوں میں سراپا صبح بھی
مجھ سے کم تر کچھ نہیں اور مجھ سے برتر کچھ نہیں
اک چمک آنکھوں میں آ جاتی ہے اس کو دیکھ کر
ورنہ دل تو متفق ہے آپ سے، زر کچھ نہیں
آئنے سے رو کے پوچھا جب کبھی میں کون ہوں
آئینہ بولا وہیں فوراً پلٹ کر کچھ نہیں
وقت نے سب دور کر دی ہیں مری خوش فہمیاں
یہ مرا مخلص ہے مجھ کو اس سے بڑھ کر کچھ نہیں
Hamnasheeno kuch nahin rakha yahan par kuch nahin
Hamnasheeno kuch nahin rakha yahan par kuch nahin
Chhod do us ki hawas duniya ke andar kuch nahin
Dar khula hi rehne do ghar se nikalte waqt tum
Kuch agar hai to tumhari zaat hai ghar kuch nahin
Baen mein suraj rahe aur chand dahne haath mein
Dil agar roshan nahin to shobada gar kuch nahin
Main sarapa raat bhi hoon, main sarapa subah bhi
Mujh se kamtar kuch nahin aur mujh se bartar kuch nahin
Ik chamak aankhon mein aa jaati hai us ko dekh kar
Warna dil to muttafiq hai aap se, zar kuch nahin
Aaine se ro ke poocha jab kabhi main kaun hoon
Aaina bola wahin fauran palat kar kuch nahin
Waqt ne sab door kar di hain meri khush-fehmiyan
Ye mera mukhlis hai mujh ko is se badh kar kuch nahin
شاعر کے بارے میں
شبنم شکیل اردو کی معروف شاعرہ، ادیبہ، نقاد اور ماہرِ تعلیم تھیں جنہوں نے جدید اردو غزل اور نظم میں نسائی احساسات، محبت، تنہائی، داخلی کرب، سماجی شع...
مکمل تعارف پڑھیں