ہر ایک مسرت کو فردا پہ اٹھا رکھا — شبنم شکیل
شاعر
ہر ایک مسرت کو فردا پہ اٹھا رکھا
ہر ایک مسرت کو فردا پہ اٹھا رکھا
یوں ہم نے سدا قتل امروز روا رکھا
جگنو تھے ستارے تھے کچھ خواب ہمارے تھے
سب کچھ تمہیں دے ڈالا اپنے لئے کیا رکھا
دوکان محبت کی جس جس نے سجائی تھی
گاہک نہ ملا اس کو سامان رہا رکھا
کیا خوب یہ میلہ ہے ہر شخص اکیلا ہے
اک کھیلنے والے نے ہے کھیل بنا رکھا
یہ زندگی پہلے بھی کچھ کم تو نہ تھی مشکل
اور اس پہ قدم راہ الفت میں ہے جا رکھا
یہ کیسی کہانی تھی جو ہم نے لکھی اپنی
آغاز تو اچھا تھا انجام برا رکھا
Har ek masarrat ko farda pe utha rakha
Har ek masarrat ko farda pe utha rakha
Yun hum ne sada qatl-e-imroz rawa rakha
Jugnu the sitaare the kuch khwab hamare the
Sab kuch tumhein de dala apne liye kya rakha
Dukaan mohabbat ki jis jis ne sajai thi
Gaahak na mila us ko saamaan raha rakha
Kya khoob ye mela hai har shakhs akela hai
Ik khelne wale ne hai khel bana rakha
Ye zindagi pehle bhi kuch kam to na thi mushkil
Aur is pe qadam rah-e-ulfat mein hai ja rakha
Ye kaisi kahani thi jo hum ne likhi apni
Aaghaz to achha tha anjaam bura rakha
شاعر کے بارے میں
شبنم شکیل اردو کی معروف شاعرہ، ادیبہ، نقاد اور ماہرِ تعلیم تھیں جنہوں نے جدید اردو غزل اور نظم میں نسائی احساسات، محبت، تنہائی، داخلی کرب، سماجی شع...
مکمل تعارف پڑھیں