ہم تو گواہ ہیں کہ غلط تھا لکھا گیا — شبنم شکیل
شاعر
ہم تو گواہ ہیں کہ غلط تھا لکھا گیا
ہم تو گواہ ہیں کہ غلط تھا لکھا گیا
کیا فیصلہ ہوا تھا مگر کیا لکھا گیا
یہ کیسی منصفی تھی کہ منصف کے روبرو
جھوٹی شہادتوں کو بھی سچا لکھا گیا
مکتوب غم ہمارا پڑھا ہی نہیں گیا
ورنہ تو اس میں حال تھا سارا لکھا گیا
ملزم کو بھی تو ملتا ہے کچھ بولنے کا حق
پھر کیوں نہیں بیان ہمارا لکھا گیا
ہم چپ رہے کہ فیصلہ سارا تھا طے شدہ
یعنی جو مدعی نے لکھایا لکھا گیا
بنتی کسی بھی حرف کی پہچان کس طرح
جو بھی لکھا گیا وہ ادھورا لکھا گیا
بھولی نہیں وہ ظلم کہ شبنمؔ سر فرات
آتش کو آب دشت کو دریا لکھا گیا
Hum to gawah hain ke ghalat tha likha gaya
Hum to gawah hain ke ghalat tha likha gaya
Kya faisla hua tha magar kya likha gaya
Yeh kaisi munsifi thi ke munsif ke rubaru
Jhooti shahadaton ko bhi sachcha likha gaya
Maktoob-e-gham hamara padha hi nahin gaya
Warna to us mein haal tha saara likha gaya
Mulzim ko bhi to milta hai kuch bolne ka haq
Phir kyun nahin bayan hamara likha gaya
Hum chup rahe ke faisla saara tha tay shuda
Ya'ni jo mudda'i ne likhaya likha gaya
Banti kisi bhi harf ki pehchan kis tarah
Jo bhi likha gaya woh adhoora likha gaya
Bhooli nahin woh zulm ke Shabnam sar-e-Furat
Aatish ko aab dasht ko darya likha gaya
شاعر کے بارے میں
شبنم شکیل اردو کی معروف شاعرہ، ادیبہ، نقاد اور ماہرِ تعلیم تھیں جنہوں نے جدید اردو غزل اور نظم میں نسائی احساسات، محبت، تنہائی، داخلی کرب، سماجی شع...
مکمل تعارف پڑھیں