کتنے انجان جزیروں میں مجھے لے کے چلا — شبنم شکیل
شاعر
کتنے انجان جزیروں میں مجھے لے کے چلا
کتنے انجان جزیروں میں مجھے لے کے چلا
دل کہ ان دیکھے زمانوں میں مجھے لے کے چلا
میں نے کیا رنگ سجائے تھے ترے خوابوں میں
اور تو کیسے سرابوں میں مجھے لے کے چلا
بے ردائی کے بھی دن دیکھنے والے تھے کہ جب
حاکم وقت اسیروں میں مجھے لے کے چلا
اسے معلوم تھا نسبت مری سادات سے ہے
جو برستے ہوئے تیروں میں مجھے لے کے چلا
جب بھی کھولا ہے در شہر مسرت تو کوئی
پھر سے ناشاد جہانوں میں مجھے لے کے چلا
دل کو بے رنگ سی محفل ہی فقط بھاتی تھی
وہی ویران سے چہروں میں مجھے لے کے چلا
جا رہی تھی میں کدھر کو مگر اے عمر رواں
وقت یہ کون سے لمحوں میں مجھے لے کے چلا
Kitne anjaan jazeeron mein mujhe le ke chala
Kitne anjaan jazeeron mein mujhe le ke chala
Dil ke un dekhe zamanon mein mujhe le ke chala
Main ne kya rang sajaye the tere khwabon mein
Aur tu kaise sarabon mein mujhe le ke chala
Be-radai ke bhi din dekhne wale the ke jab
Haakim-e-waqt aseeron mein mujhe le ke chala
Use maloom tha nisbat meri saadat se hai
Jo baraste hue teeron mein mujhe le ke chala
Jab bhi khola hai dar-e-shehar-e-musarrat to koi
Phir se nashaad jahanon mein mujhe le ke chala
Dil ko be-rang si mehfil hi faqat bhaati thi
Wahi veeraan se chehron mein mujhe le ke chala
Ja rahi thi main kidhar ko magar ae umr-e-rawan
Waqt ye kaun se lamhon mein mujhe le ke chala
شاعر کے بارے میں
شبنم شکیل اردو کی معروف شاعرہ، ادیبہ، نقاد اور ماہرِ تعلیم تھیں جنہوں نے جدید اردو غزل اور نظم میں نسائی احساسات، محبت، تنہائی، داخلی کرب، سماجی شع...
مکمل تعارف پڑھیں