منظر سے کبھی دل کے وہ ہٹتا ہی نہیں ہے — شبنم شکیل
شاعر
منظر سے کبھی دل کے وہ ہٹتا ہی نہیں ہے
منظر سے کبھی دل کے وہ ہٹتا ہی نہیں ہے
اک شہر جو بستے ہوئے دیکھا ہی نہیں ہے
کچھ منزلیں اب اپنا پتہ بھی نہیں دیتیں
اور راستہ ایسا ہے کہ کٹتا ہی نہیں ہے
اک نقش کہ بن بن کے بگڑتا ہی رہا ہے
اک خواب کہ پورا کبھی ہوتا ہی نہیں ہے
کیا ہم پہ گزرتی ہے تمہیں کیسے بتائیں
تم نے تو پلٹ کر کبھی پوچھا ہی نہیں ہے
اک عمر گنوائی ہے تو پھر دل کو ملا ہے
وہ درد کہ جس کا کوئی چارہ ہی نہیں ہے
یہ عشق کی وادی ہے ذرا سوچ سمجھ لو
اس راہ پہ پاؤں کوئی دھرتا ہی نہیں ہے
ڈھونڈے سے خدا ملتا ہے انسان ہے وہ تو
تم نے اسے شبنمؔ کبھی ڈھونڈا ہی نہیں ہے
Manzar se kabhi dil ke woh hatta hi nahin hai
Manzar se kabhi dil ke woh hatta hi nahin hai
Ek shahr jo baste hue dekha hi nahin hai
Kuchh manzilein ab apna pata bhi nahin detein
Aur raasta aisa hai ke katta hi nahin hai
Ek naqsh ke ban ban ke bigadta hi raha hai
Ek khwaab ke poora kabhi hota hi nahin hai
Kya hum pe guzarti hai tumhein kaise batayein
Tum ne toh palat kar kabhi poocha hi nahin hai
Ek umr ganwai hai toh phir dil ko mila hai
Woh dard ke jis ka koi chaarah hi nahin hai
Yeh ishq ki waadi hai zara soch samajh lo
Is raah pe paon koi dharta hi nahin hai
Dhoonde se Khuda milta hai insaan hai woh toh
Tum ne use Shabnam kabhi dhoonda hi nahin hai
شاعر کے بارے میں
شبنم شکیل اردو کی معروف شاعرہ، ادیبہ، نقاد اور ماہرِ تعلیم تھیں جنہوں نے جدید اردو غزل اور نظم میں نسائی احساسات، محبت، تنہائی، داخلی کرب، سماجی شع...
مکمل تعارف پڑھیں