موسم کے پاس کوئی خبر معتبر بھی ہو — شبنم شکیل
شاعر
موسم کے پاس کوئی خبر معتبر بھی ہو
موسم کے پاس کوئی خبر معتبر بھی ہو
موج ہوا کے ساتھ ترا نامہ بر بھی ہو
سن لے گا تیری چاپ تو دھڑکے گا دیر تک
لاکھ اپنے گرد و پیش سے دل بے خبر بھی ہو
ارزاں سے لوگ بھاگتے اس کو تو غم نہیں
لازم نہیں کہ حسن میں حسن نظر بھی ہو
برسوں سے جس مکاں میں میری بود و باش ہے
اب کیا یہ لازمی ہے وہی میرا گھر بھی ہو
سستائے جس کے سائے میں ہر آرزو مری
اس دل کے صحن میں کوئی ایسا شجر بھی ہو
شہراہ روشنی پہ چلا ہے جو میرے ساتھ
تاریک راستوں میں مرا ہم سفر بھی ہو
کتنے ہی پھول چہرے دھواں بن کے رہ گئے
اس سانحے سے کاش کوئی با خبر بھی ہو
اس کے لیے تو داؤ پہ خود کو لگا دیں ہم
تدبیر وہ بتاؤ کہ جو کارگر بھی ہو
جاگے ہوئے گلوں ہی سے شبنمؔ کو پیار ہے
ممکن ہے کوئی شے ترے زیر اثر بھی ہو
Mausam ke paas koi khabar mo'atabar bhi ho
Mausam ke paas koi khabar mo'atabar bhi ho
Mauj-e-hawa ke saath tera nama-bar bhi ho
Sun lega teri chaap to dhadkega der tak
Lakh apne gird-o-pesh se dil be-khabar bhi ho
Arzaan se log bhagte us ko to gham nahin
Lazim nahin ke husn mein husn-e-nazar bhi ho
Barson se jis makaan mein meri bood-o-bash hai
Ab kya yeh lazmi hai wohi mera ghar bhi ho
Sustaaye jis ke saaye mein har aarzoo meri
Us dil ke sehn mein koi aisa shajar bhi ho
Shehraah-e-roshni pe chala hai jo mere saath
Tareek raaston mein mera hamsafar bhi ho
Kitne hi phool chehre dhuan ban ke reh gaye
Is sanihe se kaash koi ba-khabar bhi ho
Us ke liye to dao pe khud ko laga den hum
Tadbeer woh batao ke jo kaargar bhi ho
Jaage hue gulon hi se Shabnam! ko pyaar hai
Mumkin hai koi shai tere zer-e-asar bhi ho
شاعر کے بارے میں
شبنم شکیل اردو کی معروف شاعرہ، ادیبہ، نقاد اور ماہرِ تعلیم تھیں جنہوں نے جدید اردو غزل اور نظم میں نسائی احساسات، محبت، تنہائی، داخلی کرب، سماجی شع...
مکمل تعارف پڑھیں