مرا جینا گواہی دے رہا ہے — شبنم شکیل
شاعر
مرا جینا گواہی دے رہا ہے
مرا جینا گواہی دے رہا ہے
ابھی مجھ کو بہت کچھ دیکھنا ہے
مجھے حیرت ہے اپنے دل پہ کتنی
یہ میرا ساتھ اب تک دے رہا ہے
کوئی روکے روانی آنسوؤں کی
یہ دریا بہتے بہتے تھک گیا ہے
میں پڑھ سکتی ہوں ان لکھے کو اب بھی
یہ کشف ذات ہے یا اک سزا ہے
یہ کیسی سازشوں میں گھر گئی ہوں
مجھے مجھ سے چھپایا جا رہا ہے
گھنے جنگل میں تنہا چھوڑ کر وہ
کہیں سے چھپ کے مجھ کو دیکھتا ہے
خدا حافظ مرے اے ہم نشینو
کہ مجھ کو تو بلاوا آ گیا ہے
کشش کچھ اس قدر ہے مجھ میں شبنمؔ
سمندر میری جانب بڑھ رہا ہے
Mera jeena gawahi de raha hai
Mera jeena gawahi de raha hai
Abhi mujh ko bahut kuch dekhna hai
Mujhe hairat hai apne dil pe kitni
Yeh mera saath ab tak de raha hai
Koi roke rawani aansuon ki
Yeh darya behte behte thak gaya hai
Main padh sakti hoon un likhe ko ab bhi
Yeh kashf-e-zaat hai ya ek saza hai
Yeh kaisi sazishon mein ghar gayi hoon
Mujhe mujh se chhupaya ja raha hai
Ghane jangal mein tanha chhod kar woh
Kahin se chhup ke mujh ko dekhta hai
Khuda hafiz mere aye hum-nasheenon
Ke mujh ko to bulawa aa gaya hai
Kashish kuch iss qadar hai mujh mein Shabnam
Samandar meri jaanib badh raha hai
شاعر کے بارے میں
شبنم شکیل اردو کی معروف شاعرہ، ادیبہ، نقاد اور ماہرِ تعلیم تھیں جنہوں نے جدید اردو غزل اور نظم میں نسائی احساسات، محبت، تنہائی، داخلی کرب، سماجی شع...
مکمل تعارف پڑھیں