نہ پوچھ دیکھ کے کتنا ملال ہوتا ہے — شبنم شکیل
شاعر
نہ پوچھ دیکھ کے کتنا ملال ہوتا ہے
نہ پوچھ دیکھ کے کتنا ملال ہوتا ہے
جو خواب دیکھنے والوں کا حال ہوتا ہے
لبوں پہ مہر خموشی لگائی جاتی ہے
اور اس کے بعد ہمیں سے سوال ہوتا ہے
جب آئی شام مسافت تو پھر یہ راز کھلا
ذرا سی دیر عروج و زوال ہوتا ہے
ہر ایک شخص کی اپنی ہی ایک دنیا ہے
کہاں کسی کو کسی کا خیال ہوتا ہے
ہر ایک اوج محبت پہ آ نہیں سکتا
کسی کسی میں ہی ایسا کمال ہوتا ہے
رکی ہوئی ہوں اک ایسے سوال پر شبنمؔ
جواب جس کا ہمیشہ محال ہوتا ہے
Na poochh dekh ke kitna malaal hota hai
Na poochh dekh ke kitna malaal hota hai
Jo khwab dekhne walon ka haal hota hai
Labon pe mohr-e-khamoshi lagai jaati hai
Aur us ke baad hamein se sawal hota hai
Jab aayi shaam-e-musafat to phir yeh raaz khula
Zara si der urooj-o-zawaal hota hai
Har ek shakhs ki apni hi ek duniya hai
Kahan kisi ko kisi ka khayal hota hai
Har ek auj-e-mohabbat pe aa nahin sakta
Kisi kisi mein hi aisa kamaal hota hai
Ruki hui hoon ek aise sawal par Shabnam
Jawab jis ka hamesha mahaal hota hai
شاعر کے بارے میں
شبنم شکیل اردو کی معروف شاعرہ، ادیبہ، نقاد اور ماہرِ تعلیم تھیں جنہوں نے جدید اردو غزل اور نظم میں نسائی احساسات، محبت، تنہائی، داخلی کرب، سماجی شع...
مکمل تعارف پڑھیں