قفس کو لے کے اڑنا پڑ رہا ہے — شبنم شکیل
شاعر
قفس کو لے کے اڑنا پڑ رہا ہے
قفس کو لے کے اڑنا پڑ رہا ہے
یہ سودا مجھ کو مہنگا پڑ رہا ہے
مری ہر اک مسافت رائیگاں تھی
مجھے تسلیم کرنا پڑ رہا ہے
سنا ہے ایک جادو ہے محبت
یہ جادو ہے تو الٹا پڑ رہا ہے
محبت ہے ہمیں اک دوسرے سے
یہ آپس میں بتانا پڑ رہا ہے
جو رہنا چاہتا ہے لا تعلق
تعلق اس سے رکھنا پڑ رہا ہے
سمجھتی تھی بہت آسان جن کو
انہیں کاموں میں رخنہ پڑ رہا ہے
ہوئی جاتی ہے پھر کیوں دور منزل
مرا پاؤں تو سیدھا پڑ رہا ہے
میں کن لوگوں سے ملنا چاہتی تھی
یہ کن لوگوں سے ملنا پڑ رہا ہے
میں اب تک مر نہیں پائی ہوں شبنمؔ
سو اب تک مجھ کو جینا پڑ رہا ہے
Qafas ko le ke udna pad raha hai
Qafas ko le ke udna pad raha hai
Yeh sauda mujh ko mehnga pad raha hai
Meri har ek musafat raayegaan thi
Mujhe tasleem karna pad raha hai
Suna hai ek jaadu hai mohabbat
Yeh jaadu hai to ulta pad raha hai
Mohabbat hai hamein ek doosre se
Yeh aapas mein batana pad raha hai
Jo rehna chahta hai la-t'alluq
T'alluq us se rakhna pad raha hai
Samajhti thi bohat aasaan jin ko
Unhein kaamon mein rukhna pad raha hai
Hui jaati hai phir kyun dur manzil
Mera paon to seedha pad raha hai
Main kin logon se milna chahti thi
Yeh kin logon se milna pad raha hai
Main ab tak mar nahin paayi hoon Shabnam
So ab tak mujh ko jeena pad raha hai
شاعر کے بارے میں
شبنم شکیل اردو کی معروف شاعرہ، ادیبہ، نقاد اور ماہرِ تعلیم تھیں جنہوں نے جدید اردو غزل اور نظم میں نسائی احساسات، محبت، تنہائی، داخلی کرب، سماجی شع...
مکمل تعارف پڑھیں