رسوائی کا بھی ہم پر الزام ضروری تھا — شبنم شکیل
شاعر
رسوائی کا بھی ہم پر الزام ضروری تھا
رسوائی کا بھی ہم پر الزام ضروری تھا
جو دل نے کمایا ہے وہ نام ضروری تھا
مرتے ہی رہے پیہم اور جی کے نہیں دیکھا
ہم بھول گئے شبنم جو کام ضروری تھا
کرتا جو وضاحت وہ ہم زندہ کہاں رہتے
باتوں میں جو تھا اس کی ابہام ضروری تھا
زہر غم دنیا کے تریاک کی خاطر سے
زہر غم جاناں کا اک جام ضروری تھا
اک عمر دیا اس نے جو ساتھ وہ کافی ہے
اب تھک سا گیا تھا دل آرام ضروری تھا
Ruswai ka bhi hum par ilzaam zaroori tha
Ruswai ka bhi hum par ilzaam zaroori tha
Jo dil ne kamaya hai woh naam zaroori tha
Marte hi rahe paiham aur jee ke nahin dekha
Hum bhool gaye Shabnam! jo kaam zaroori tha
Karta jo wazahat woh hum zinda kahan rehte
Baaton mein jo tha us ki ibhaam zaroori tha
Zehr-e-gham duniya ke tiryaaq ki khatir se
Zehr-e-gham-e-jaanan ka ik jaam zaroori tha
Ik umr diya us ne jo saath woh kaafi hai
Ab thak sa gaya tha dil aaraam zaroori tha
شاعر کے بارے میں
شبنم شکیل اردو کی معروف شاعرہ، ادیبہ، نقاد اور ماہرِ تعلیم تھیں جنہوں نے جدید اردو غزل اور نظم میں نسائی احساسات، محبت، تنہائی، داخلی کرب، سماجی شع...
مکمل تعارف پڑھیں