سامنے اک بے رحم حقیقت ننگی ہو کر ناچتی ہے — شبنم شکیل
شاعر
سامنے اک بے رحم حقیقت ننگی ہو کر ناچتی ہے
سامنے اک بے رحم حقیقت ننگی ہو کر ناچتی ہے
اس کی آنکھوں سے اب میری موت کی خواہش جھانکتی ہے
جسم کا جادو اس دنیا میں سر چڑھ کر جب بولتا ہے
روح مری شرمندہ ہو کر اپنا چہرہ ڈھانپتی ہے
اس کی جھولی میں سب کھوٹے سکے ڈالے جائیں گے
جانتی ہے یہ اندھی بھکارن پھر بھی دن بھر مانگتی ہے
میرا خون پیا تو اس کو تازہ لہو کی چاٹ لگی
اب وہ ناگن اپنی زباں سے اپنا لہو بھی چاٹتی ہے
اب کی بار اے بزدل قسمت کھل کر میرے سامنے آ
کیوں اک دھچکا روز لگا کر باقی کل پر ٹالتی ہے
ماضی کی تربت سے نکل آتی ہے کسی کی یاد کی لاش
میری سوچ مری دشمن ہے روز مصیبت ڈالتی ہے
صحرا کا بادل دو بوندیں برسا کر اڑ جاتا ہے
پیاسی بنجر بانجھ زمیں کچھ اور زیادہ ہانپتی ہے
اب تک سوئی ہوئی تھی وہ آسائش کے گہوارے میں
انگڑائی سی لے کر شبنمؔ آج انا کیوں جاگتی ہے
Saamne ek be-reham haqeeqat nangi ho kar naachti hai
Saamne ek be-reham haqeeqat nangi ho kar naachti hai
Uss ki aankhon se ab meri maut ki khwahish jhaankti hai
Jism ka jaadu iss duniya mein sar chadh kar jab bolta hai
Rooh meri sharminda ho kar apna chehra dhaampti hai
Uss ki jholi mein sab khoote sikke daale jaayenge
Jaanti hai yeh andhi bhikaaran phir bhi din bhar maangti hai
Mera khoon piya to uss ko taaza lahu ki chaat lagi
Ab woh naagin apni zabaan se apna lahu bhi chaatti hai
Ab ki baar aye buzdil qismat khul kar mere saamne aa
Kyun ek dhachka roz laga kar baaqi kal par taalti hai
Maazi ki turbat se nikal aati hai kisi ki yaad ki laash
Meri soch meri dushman hai roz musibat daalti hai
Sahra ka baadal do boondein barsa kar ud jaata hai
Pyaasi banjar baanjh zameen kuch aur zyada haanpti hai
Ab tak soyi hui thi woh aasaish ke gawaare mein
Angdaayi si le kar Shabnam aaj ana kyun jaagti hai
شاعر کے بارے میں
شبنم شکیل اردو کی معروف شاعرہ، ادیبہ، نقاد اور ماہرِ تعلیم تھیں جنہوں نے جدید اردو غزل اور نظم میں نسائی احساسات، محبت، تنہائی، داخلی کرب، سماجی شع...
مکمل تعارف پڑھیں