سب وا ہیں دریچے تو ہوا کیوں نہیں آتی — شبنم شکیل
شاعر
سب وا ہیں دریچے تو ہوا کیوں نہیں آتی
سب وا ہیں دریچے تو ہوا کیوں نہیں آتی
چپ کیوں ہیں پرندوں کی صدا کیوں نہیں آتی
گل کھلنے کا موسم ہے تو پھر کیوں نہیں کھلتے
خاموش ہیں کیوں پیڑ صبا کیوں نہیں آتی
بے خواب کواڑوں پہ ہوا دیتی ہے دستک
سوئے ہوئے لوگوں کو جگا کیوں نہیں دیتی
سنتے ہیں کہ منظر ہے بدلنے کو چمن کا
پھر اس کی گواہی کی ندا کیوں نہیں آتی
کیوں ایک سے لگتے ہیں یہاں اب سبھی موسم
خوشبو کسی موسم سے جدا کیوں نہیں ہوتی
سونا ہے مجھے اب تو وہی اوڑھ کے شبنمؔ
میرے لیے پھولوں کی ردا کیوں نہیں آتی
Sab wa hain dariche to hawa kyon nahin aati
Sab wa hain dariche to hawa kyon nahin aati
Chup kyon hain parindon ki sada kyon nahin aati
Gul khilne ka mausam hai to phir kyon nahin khilte
Khamosh hain kyon ped saba kyon nahin aati
Be-khwab kawadon pe hawa deti hai dastak
Soye hue logon ko jaga kyon nahin deti
Sunte hain ke manzar hai badalne ko chaman ka
Phir us ki gawahi ki nida kyon nahin aati
Kyon ek se lagte hain yahan ab sabhi mausam
Khushboo kisi mausam se juda kyon nahin hoti
Sona hai mujhe ab to wohi odh ke Shabnam!
Mere liye phoolon ki rida kyon nahin aati
شاعر کے بارے میں
شبنم شکیل اردو کی معروف شاعرہ، ادیبہ، نقاد اور ماہرِ تعلیم تھیں جنہوں نے جدید اردو غزل اور نظم میں نسائی احساسات، محبت، تنہائی، داخلی کرب، سماجی شع...
مکمل تعارف پڑھیں