سمٹ نہ پائے کہ ہر سو بکھر گئے تھے ہم — شبنم شکیل
شاعر
سمٹ نہ پائے کہ ہر سو بکھر گئے تھے ہم
سمٹ نہ پائے کہ ہر سو بکھر گئے تھے ہم
ہجوم یاس میں کیا سوچ کر گئے تھے ہم
ہوئے تھے راکھ تو کچھ راستہ ہی ایسا تھا
دبی تھی آگ زمیں میں جدھر گئے تھے ہم
یہ کیا کہ پھر سے یہاں حکمرانئ شب ہے
حصار شب تو ابھی توڑ کر گئے تھے ہم
وہ کیا خوشی تھی کہ برباد کر گئی سب کچھ
وہ کیسا غم تھا کہ جس سے سنور گئے تھے ہم
ملی تھیں پھر بھی وہ دیواریں اجنبی بن کر
اگرچہ شام سے پہلے ہی گھر گئے تھے ہم
گھرے تھے مصلحت اندیشیوں میں پوری طرح
جو دل کا ساتھ نہ دیتے تو مر گئے تھے ہم
Simat na paaye ke har soo bikhar gaye the hum
Simat na paaye ke har soo bikhar gaye the hum
Hujoom-e-yaas mein kya soch kar gaye the hum
Hue the raakh to kuch raasta hi aisa tha
Dabi thi aag zameen mein jidhar gaye the hum
Yeh kya ke phir se yahan hukmrani-e-shab hai
Hisar-e-shab to abhi tod kar gaye the hum
Woh kya khushi thi ke barbaad kar gayi sab kuch
Woh kaisa gham tha ke jiss se sanwar gaye the hum
Mili thin phir bhi woh deewarain ajnabi ban kar
Agarche shaam se pehle hi ghar gaye the hum
Ghere the maslahat-andeshiyon mein poori tarah
Jo dil ka saath na dete to mar gaye the hum
شاعر کے بارے میں
شبنم شکیل اردو کی معروف شاعرہ، ادیبہ، نقاد اور ماہرِ تعلیم تھیں جنہوں نے جدید اردو غزل اور نظم میں نسائی احساسات، محبت، تنہائی، داخلی کرب، سماجی شع...
مکمل تعارف پڑھیں