تنہا کھڑے ہیں ہم سر بازار کیا کریں — شبنم شکیل
شاعر
تنہا کھڑے ہیں ہم سر بازار کیا کریں
تنہا کھڑے ہیں ہم سر بازار کیا کریں
کوئی نہیں ہے غم کا خریدار کیا کریں
اے کم نصیب دل تو مگر چاہتا ہے کیا
سنیاس لے لیں چھوڑ دیں گھر بار کیا کریں
الجھا کے خود ہی زیست کے اک ایک تار کو
خود سے سوال کرتے ہیں ہر بار کیا کریں
اک عمر تک جو زیست کا حاصل بنی رہیں
پامال ہو رہی ہیں وہ اقدار کیا کریں
ہے پوری کائنات کا چہرہ دھواں دھواں
غزلوں میں ذکر یار طرح دار کیا کریں
اس دوہری زندگی میں بھی لاکھوں عذاب ہیں
دنیا سے دل ہے برسر پیکار کیا کریں
Tanha khade hain hum sar-e-bazaar kya karein
Tanha khade hain hum sar-e-bazaar kya karein
Koi nahin hai gham ka khareedar kya karein
Aye kam-naseeb dil tu magar chahta hai kya
Sannyas le lein chhod dein ghar-baar kya karein
Uljha ke khud hi zeest ke ek ek taar ko
Khud se sawal karte hain har baar kya karein
Ek umr tak jo zeest ka hasil bani rahein
Pamaal ho rahi hain woh iqdaar kya karein
Hai poori kainat ka chehra dhuan dhuan
Ghazlon mein zikr-e-yaar tarah-daar kya karein
Is dohri zindagi mein bhi laakhon azaab hain
Duniya se dil hai bar sar-e-paikaar kya karein
شاعر کے بارے میں
شبنم شکیل اردو کی معروف شاعرہ، ادیبہ، نقاد اور ماہرِ تعلیم تھیں جنہوں نے جدید اردو غزل اور نظم میں نسائی احساسات، محبت، تنہائی، داخلی کرب، سماجی شع...
مکمل تعارف پڑھیں