تم سے رخصت طلب ہے مل جاؤ — شبنم شکیل
شاعر
تم سے رخصت طلب ہے مل جاؤ
تم سے رخصت طلب ہے مل جاؤ
کوئی اب جاں بلب ہے مل جاؤ
لوٹ کر اب نہ آ سکیں شاید
یہ مسافت عجب ہے مل جاؤ
دل دھڑکتے ہوئے بھی ڈرتا ہے
کتنی سنسان شب ہے مل جاؤ
اس سے پہلے نہیں ہوا تھا کبھی
دل کا جو حال اب ہے مل جاؤ
خواہشیں بے سبب بھی ہوتی ہیں
کیا کہیں کیا سبب ہے مل جاؤ
کون اب اور انتظار کرے
اتنی مہلت ہی کب ہے مل جاؤ
Tum se rukhsat talab hai mil jao
Tum se rukhsat talab hai mil jao
Koi ab jaan balab hai mil jao
Lout kar ab na aa saken shayad
Yeh musafat ajab hai mil jao
Dil dhadakte hue bhi darta hai
Kitni sunsaan shab hai mil jao
Is se pehle nahin hua tha kabhi
Dil ka jo haal ab hai mil jao
Khwahishen be-sabab bhi hoti hain
Kya kahen kya sabab hai mil jao
Kaun ab aur intezar kare
Itni mohlat hi kab hai mil jao
شاعر کے بارے میں
شبنم شکیل اردو کی معروف شاعرہ، ادیبہ، نقاد اور ماہرِ تعلیم تھیں جنہوں نے جدید اردو غزل اور نظم میں نسائی احساسات، محبت، تنہائی، داخلی کرب، سماجی شع...
مکمل تعارف پڑھیں