وہ تو آئینہ نما تھا مجھ کو — شبنم شکیل
شاعر
وہ تو آئینہ نما تھا مجھ کو
وہ تو آئینہ نما تھا مجھ کو
کس لیے اس سے گلہ تھا مجھ کو
دے گیا عمر کی تنہائی مجھے
ایک محفل میں ملا تھا مجھ کو
تا مجھے چھوڑ سکو پت جھڑ میں
اس لیے پھول کہا تھا مجھ کو
تم ہو مرکز میری تحریروں کا
تم نے اک خط میں لکھا تھا مجھ کو
میں بھی کرتی تھی بہاروں کی تلاش
ایک سودا سا ہوا تھا مجھ کو
اب پشیمان ہیں دنیا والے
خود ہی مصلوب کیا تھا مجھ کو
اب دھڑکتا ہے مگر صورت دل
زخم اک تم نے دیا تھا مجھ کو
Woh to aaina numa tha mujh ko
Woh to aaina numa tha mujh ko
Kis liye us se gila tha mujh ko
De gaya umr ki tanhai mujhe
Ek mehfil mein mila tha mujh ko
Ta mujhe chhod sako pat jhad mein
Is liye phool kaha tha mujh ko
Tum ho markaz meri tehriiron ka
Tum ne ik khat mein likha tha mujh ko
Main bhi karti thi baharon ki talash
Ek sauda sa hua tha mujh ko
Ab pashemaan hain duniya wale
Khud hi masloob kiya tha mujh ko
Ab dhadakta hai magar soorat-e-dil
Zakhm ik tum ne diya tha mujh ko
شاعر کے بارے میں
شبنم شکیل اردو کی معروف شاعرہ، ادیبہ، نقاد اور ماہرِ تعلیم تھیں جنہوں نے جدید اردو غزل اور نظم میں نسائی احساسات، محبت، تنہائی، داخلی کرب، سماجی شع...
مکمل تعارف پڑھیں