یہ سلسلے بھی رفاقت کے کچھ عجیب سے ہیں — شبنم شکیل
شاعر
یہ سلسلے بھی رفاقت کے کچھ عجیب سے ہیں
یہ سلسلے بھی رفاقت کے کچھ عجیب سے ہیں
کہ دور دور کے منظر بہت قریب سے ہیں
قبائے زر ہے انا کی اگرچہ زیب بدن
مگر یہ اہل ہنر دل کے سب غریب سے ہیں
یہاں تو سب ہی اشاروں میں بات کرتے ہیں
عجیب شہر ہے اس کے مکیں عجیب سے ہیں
میں زندگی میں مروں گی نہ جانے کتنی بار
مجھے خبر ہے کہ رشتے مرے صلیب سے ہیں
یہ اور بات کہ اس کی چہک سے کھلتا ہے
ہزار شکوے مگر گل کو عندلیب سے ہیں
اسے تو اپنی خبر بھی یہاں نہیں ملتی
امیدیں تم کو بہت جس الم نصیب سے ہیں
Yeh silsile bhi rafaqat ke kuch ajeeb se hain
Yeh silsile bhi rafaqat ke kuch ajeeb se hain
Ke door door ke manzar bahut qareeb se hain
Qabaaye zar hai ana ki agarche zeb-e-badan
Magar yeh ahl-e-hunar dil ke sab ghareeb se hain
Yahan to sab hi isharon mein baat karte hain
Ajeeb sheher hai uss ke makeen ajeeb se hain
Main zindagi mein marungi na jaane kitni baar
Mujhe khabar hai ke rishte mere saleeb se hain
Yeh aur baat ke uss ki chehak se khulta hai
Hazaar shikwe magar gul ko andleeb se hain
Usay to apni khabar bhi yahan nahin milti
Ummeedein tum ko bahut jiss alam-naseeb se hain
شاعر کے بارے میں
شبنم شکیل اردو کی معروف شاعرہ، ادیبہ، نقاد اور ماہرِ تعلیم تھیں جنہوں نے جدید اردو غزل اور نظم میں نسائی احساسات، محبت، تنہائی، داخلی کرب، سماجی شع...
مکمل تعارف پڑھیں