یوں تو طے ہو بھی چکا ترک محبت کرنا — شبنم شکیل
شاعر
یوں تو طے ہو بھی چکا ترک محبت کرنا
یوں تو طے ہو بھی چکا ترک محبت کرنا
کتنا مشکل ہے مگر خود اسے رخصت کرنا
اب کسی شہر میں بھی خوش نہیں رہنے دیتا
وہ ترے شہر سے میرا کبھی ہجرت کرنا
ابھی پایا بھی نہیں تھا کہ اسے کھو بھی دیا
اپنی عادت ہے ہر اک کام میں عجلت کرنا
سب کی سہہ لیتے ہیں ہم سامنے اس کے لیکن
سخت مشکل ہے بیاں دل کی حکایت کرنا
بے وفائی سے تری بڑھ کے عجب بات تھی کیا
کسی ان ہونی پہ اب کس لئے حیرت کرنا
Yun to tay ho bhi chuka tark-e-mohabbat karna
Yun to tay ho bhi chuka tark-e-mohabbat karna
Kitna mushkil hai magar khud usay rukhsat karna
Ab kisi sheher mein bhi khush nahin rehne deta
Woh tere sheher se mera kabhi hijrat karna
Abhi paaya bhi nahin tha ke usay kho bhi diya
Apni aadat hai har ek kaam mein ujlat karna
Sab ki seh lete hain hum saamne uss ke lekin
Sakht mushkil hai bayaan dil ki hikayat karna
Be-wafaai se teri badh ke ajab baat thi kya
Kisi un-honi pe ab kis liye hairat karna
شاعر کے بارے میں
شبنم شکیل اردو کی معروف شاعرہ، ادیبہ، نقاد اور ماہرِ تعلیم تھیں جنہوں نے جدید اردو غزل اور نظم میں نسائی احساسات، محبت، تنہائی، داخلی کرب، سماجی شع...
مکمل تعارف پڑھیں