ذوق نظر کو اذن نظارہ نہ مل سکا — شبنم شکیل
شاعر
ذوق نظر کو اذن نظارہ نہ مل سکا
ذوق نظر کو اذن نظارہ نہ مل سکا
تنہا کبھی وہ انجمن آرا نہ مل سکا
ہم پر تو جلد کھل گیا ساحل کا سب بھرم
اچھے رہے وہ جن کو کنارہ نہ مل سکا
یک طرفہ رابطہ ہی نبھانا پڑا ہمیں
ان کی طرف سے کوئی اشارہ نہ مل سکا
تم بھی قصوروار نہیں قصہ مختصر
میرا تمہارے ساتھ ستارہ نہ مل سکا
شہروں کی خاک چھانی کھنگالے ہیں دشت و در
لیکن ہمیں سراغ ہمارا نہ مل سکا
میں بھی تھی خود پسند نہیں اس میں شک کوئی
اکثر تو پر مزاج تمہارا نہ مل سکا
اے کاش ساتھیوں سے وہ اپنے کبھی کہے
شبنمؔ سا کوئی مجھ کو دوبارہ نہ مل سکا
Zauq-e-nazar ko izn-e-nazzara na mil saka
Zauq-e-nazar ko izn-e-nazzara na mil saka
Tanha kabhi woh anjuman-aara na mil saka
Hum par to jald khul gaya sahil ka sab bharam
Achhe rahe woh jin ko kinara na mil saka
Yak-tarfa raabta hi nibhana pada hamein
Un ki taraf se koi ishaara na mil saka
Tum bhi qasoor-war nahin qissa mukhtasar
Mera tumhare saath sitara na mil saka
Shehron ki khaak chhaani khangale hain dasht-o-dar
Lekin hamein suraagh hamara na mil saka
Main bhi thi khud-pasand nahin is mein shak koi
Aksar to par mizaj tumhara na mil saka
Aye kaash saathiyon se woh apne kabhi kahe
Shabnam sa koi mujh ko dobara na mil saka
شاعر کے بارے میں
شبنم شکیل اردو کی معروف شاعرہ، ادیبہ، نقاد اور ماہرِ تعلیم تھیں جنہوں نے جدید اردو غزل اور نظم میں نسائی احساسات، محبت، تنہائی، داخلی کرب، سماجی شع...
مکمل تعارف پڑھیں