بے سر و ساماں کچھ اپنی طبع سے ہیں گھر میں ہم
بے سر و ساماں کچھ اپنی طبع سے ہیں گھر میں ہم شہر کہتے ہیں جسے ہیں اس کے پس منظر میں ہم شام ڈوبی پڑ رہے سورج کے در پر شب کی شب صبح بکھری چل پڑے خود کو لیے ٹھوکر میں ہم آگہی تو نے ہمیں کن وسعتوں میں گم کیا بے نشاں ہر ملک میں بے آسرا ہر گھر میں ہم اپنے ہی صحرا میں کھو جائیں گے اندازہ نہ تھا بازگشت اپنی لیے پھرتے ہیں اپنے سر میں ہم ساتویں در تک پکار آئی خودی کو بے خودی اور ہر در سے جواب آیا نہیں ہیں گھر میں ہم تیری دستک تھی کہ سناٹا وہی ہر شام کا رہرو کوہ ندا ہیں گھر کے بام و در میں ہم چار سو صحرا میں ہے درد انا الصحرا کی گونج کاٹ کر اپنی زباں رکھ آئے تھے پتھر میں ہم چھان یہ صحرا گھٹی ہیں اس کی چوحد میں صدائیں کاٹ یہ پربت دبے ہیں اس کی خاکستر میں ہم اب ہمیں بھاتا نہیں پیہم صداؤں کا نزول اب تو خود گونجے ہوئے ہیں گنبد بے در میں ہم کیاں مکاں تاکا ہے دل نے رات اور دن سے پرے بے زباں ہوتے چلے ہیں قید بام و در میں ہم جانے اس رہرو کی نظریں کون سی منزل پہ ہوں ایک کانٹا سا کھٹکتے ہیں دل رہبر میں ہم زہر کا پیالہ ہو پینا یا اٹھانی ہو صلیب صدیوں بعد آئیں مگر ہوتے ہیں اس منظر میں ہم دشت در دشت آسماں بر دوش چلتے ہیں شہابؔ ہم سے بنجارے جنم اپنا لیے ٹھوکر میں ہم
English rendering
Be-sar-o-samaan kuch apni tab' se hain ghar mein hum Shehr kehte hain jise hain us ke pas-manzar mein hum Shaam doobi paR rahe sooraj ke dar par shab ki shab Subh bikhri chal paRe khud ko liye Thokar mein hum Aagahi tu ne hamein kin wus'aton mein gum kiya Be-nishaan har mulk mein be-aasra har ghar mein hum Apne hi sehra mein kho jaayenge andaaza na tha Bazgasht apni liye phirte hain apne sar mein hum Saatvein dar tak pukaar aayi khudi ko be-khudi Aur har dar se jawaab aaya nahin hain ghar mein hum Teri dastak thi ke sannata wahi har shaam ka Rahrau-e-koh-e-nida hain ghar ke baam-o-dar mein hum Chaar soo sehra mein hai dard Ana-al-Sahra ki goonj Kaat kar apni zabaan rakh aaye the patthar mein hum Chhaan ye sehra ghati hain us ki chauhad mein sadaa'ein Kaat ye parbat dabbe hain us ki khaakstar mein hum Ab hamein bhaata nahin paiham sadaaon ka nuzool Ab to khud goonje hue hain gumbad-e-be-dar mein hum Kiya makaan taaka hai dil ne raat aur din se pare Be-zabaan hote chale hain qaid-e-baam-o-dar mein hum Jaane us rahrau ki nazrein kaun si manzil pe hon Ek kaaNTa sa khaTakte hain dil-e-rahbar mein hum Zehr ka pyala ho peena ya uThani ho saleeb Sadiyon ba'd aa'ein magar hote hain us manzar mein hum Dasht dar dasht aasmaan bar-dosh chalte hain Shahab Hum se banjaare janam apna liye Thokar mein hum