رتبۂ درد کو جب اپنا ہنر پہنچے گا
رتبۂ درد کو جب اپنا ہنر پہنچے گا ہم نشیں ضبط سخن کا بھی اثر پہنچے گا بے صدارات سے عاجز ہے مرا دست جنوں کوئی دن تا بہ گریبان سحر پہنچے گا کھنچ کے رہ مجھ سے مگر ضبط کی تلقین نہ کر اب مری آہ سے تجھ کو نہ ضرر پہنچے گا باتوں باتوں میں سب احوال جدائی مت پوچھ کچھ کہوں گا تو ترے دل پہ اثر پہنچے گا رنج اٹھاتے ہیں مرے ضبط فغاں سے ہم سایے لے کے تم تک کوئی مرنے کی خبر پہنچے گا میرے مرنے سے غم عشق نہ مر جائے گا مجھ کو چھوڑے گا تو غم خوار کے گھر پہنچے گا اپنے گیسو تو سنبھالو کہ کھلے جاتے ہیں ورنہ الزام مرے شوق کے سر پہنچے گا تم کو جینا ہے تو کچھ عیب بھی لازم ہیں شہابؔ زندگی کو تو نہ فیضان ہنر پہنچے گا
English rendering
Rutba-e-dard ko jab apna hunar pahuchega Ham-nasheen zabt-e-sukhan ka bhi asar pahuchega Be-sada-yaat se aajiz hai mera dast-e-junoon Koi din ta ba gireban-e-sahar pahuchega Khinch ke rah mujh se magar zabt ki talqeen na kar Ab meri aah se tujh ko na zarar pahuchega Baaton baaton mein sab ahwal-e-judai mat poochh Kuch kahunga to tere dil pe asar pahuchega Ranj uThate hain mere zabt-e-fughan se ham-saye Le ke tum tak koi marne ki khabar pahuchega Mere marne se gham-e-ishq na mar jayega Mujh ko chhoDega to gham-khwar ke ghar pahuchega Apne gesu to sambhalo ke khule jaate hain Warna ilzam mere shauq ke sar pahuchega Tum ko jeena hai to kuch aib bhi lazim hain Shahab! Zindagi ko to na faizan-e-hunar pahuchega