تلاش
رستہ یہ جانا پہچانا ہے کبھی کبھی یہ اپنا ہوتا تھا برسوں برس تک ان پتھ پر پیار ہمارا سنجوتا تھا سانجھ سویرے ان دیکھی برکھا سے نم رہتی تھی خاک شام کا غنچہ صبح کا سورج، شبنم سے منہ دھوتا تھا خاک سے تیرے بدن کی خوشبو ڈالی ڈالی اڑتی تھی دھیان کا بھونرا پھول کی بکھری پنکھڑیوں کو پروتا تھا سوچ کی اٹھتی گرتی لہریں تجھ کو کہیں سے لے آتیں ساحل نور پہ تیرا سایہ بیٹھا پاؤں بھگوتا تھا اک ماندی سی لہر اچانک تیری گود میں جا گرتی دھرتی سے آکاش تک اک آغوش کا عالم ہوتا تھا سوتی رات کا جادو چلتا کھنچتے ہوئے دامن کی اوٹ چاند کا جوبن چھلکا پڑتا ساگر پیاسا ہوتا تھا گیسو تیرے بکھرے جاتے پہلو تیرے کھلتے جاتے شوق کی آنکھیں لوری دیتیں تیرا حجاب نہ سوتا تھا سبزہ سبزہ نیند بچھی تھی، چاند کی سی رفتار سے ہم ہولے ہولے پانو اٹھاتے خواب کا عالم ہوتا تھا جانے کون سے موڑ پہ تیرا ہاتھ اچانک چھوٹ گیا گیان کی اس بورائی پون میں دھیان بھی تیرا ٹوٹ گیا اپنی وہ دھرتی سارے جہاں میں پھر نہ کہیں پہچان ملی اس مٹی کی خوشبو پانے بیج اشکوں کے بوتا تھا چہرہ چہرہ وحشت ٹھہری آنکھیں تجھ کو بھول گئیں مورت مورت چپ سی لگی تھی، جانے مجھے کیا ہوتا تھا چڑھتے چاند کی آہٹ سن کر نگری نگری میرا چراغ رات کی جھکتی بدلی کے دامن کو پکڑ کر روتا تھا رستے رستے بکھری ہوئی تھی میرے چراغ کی تنہائی اک ماندی سی لو میں کس کس کی پرچھائیں سموتا تھا رستہ چلتے لوگ بھی پاگل امیدوں کو سمجھاتے کتنا ہی آئینہ دکھاتے تیرا عکس نہ ہوتا تھا دل کے دل بادل جب تیرا پرسا دے کے چلے جاتے دور کہیں اک ابر کا ٹکڑا جیسے مجھ کو روتا تھا ہوش کے بجھتے دیے میں اب تک اس کا آنسو جلتا ہے اب تک اس کی کھوج میں پگلا دیس بدیس نکلتا ہے
English rendering
Rasta ye jaana pehchaana hai kabhi kabhi ye apna hota tha Barson baras tak un path par pyaar hamara sanjota tha Saanjh savere un-dekhi barkha se nam rehti thi khaak Shaam ka ghunche subh ka sooraj, shabnam se munh dhota tha Khaak se tere badan ki khushboo Daali Daali uRti thi Dhyaan ka bhaunwra phool ki bikhri pankhaRiyon ko parota tha Soch ki uThti girti lehrein tujh ko kaheen se le aatien Saahil-e-noor pe tera saaya baitha paaon bhigota tha Ek maandhi si lehar achaanak teri god mein ja girti Dharti se aakaash tak ek aaghosh ka 'aalam hota tha Soti raat ka jaadu chalta khinchte hue daaman ki oT Chaand ka joban chhalka paRta saagar pyaasa hota tha Gesoo tere bikhre jaate pehloo tere khulte jaate Shauq ki aankhein lori deetin tera hijaab na sota tha Sabza sabza neend bichhi thi, chaand ki si raftaar se hum Haule haule paaon uThaate khwaab ka 'aalam hota tha Jaane kaun se moR pe tera haath achaanak chhuT gaya GYaan ki us buraa'i paun mein dhyaan bhi tera TooT gaya Apni woh dharti saare jahaan mein phir na kaheen pehchaan mili Is miTTi ki khushboo paane beej ashkon ke bota tha Chehra chehra wahshat thehri aankhein tujh ko bhool gayien Moorat moorat chup si lagi thi, jaane mujhe kya hota tha ChaRhte chaand ki aahaT sun kar nagri nagri mera charaagh Raat ki jhukti badli ke daaman ko pakaR kar rota tha Raste raste bikhri huyi thi mere charaagh ki tanhaa'i Ek maandhi si lau mein kis kis ki parchhaa'iyan samota tha Rasta chalte log bhi paagal ummeedon ko samjhaate Kitna hi aaina dikhaate tera 'aks na hota tha Dil ke dil baadal jab tera barsa de ke chale jaate Door kaheen ek abr ka TukRa jaise mujh ko rota tha Hosh ke bujhte diye mein ab tak is ka aansoo jalta hai Ab tak is ki khoj mein pagla des bides nikalta hai