سپیکرز
نور مائیر کا پیش کردہ کلام
گل کوئی عشق دی کر، پیار دا قصہ سُنا
گل کوئی عشق دی کر، پیار دا قصہ سُنا داستان منصور دی یا دار دا قصہ سُنا چھڈ گُنجل دار زلفاں دی بجھارت شاعرا اِنقلاب وقت دی جھنکار دا قصہ سُنا اج وارث دے قلم دی سرسراہٹ نوں بلا ابن قاسم دی جری تلوار دا قصہ سُنا جتھے پی کے کجھ شرابی غیرتاں نئیں ویچدے ساقیا اوس محفل سرشار دا قصہ سُنا اج سوہنی تے گھڑے دے قول دا افسانہ لکھ مڑ کے عزت بیگ دے اقرار دا قصہ سُنا جتھے کھڑ کے پُھل امیداں دے نئیں کملاؤندے اوس خزاں نا آشنا گلزار دا قصہ سُنا چھیڑ ساغر ونجھلی تے دِل دا اِک انمول گیت بن کے رانجھا حُسن دی سرکار دا قصہ سُنا
انساناں دا کال پیا اے دسدے ہن انسان تے نہیں
انساناں دا کال پیا اے دسدے ہن انسان تے نہیں آدم خور درندے نے سب بستی وچ انسان تے نیں دید لہاظ محبتاں والا پاٹھ پڑھا و دھیاں نوں پتراں نوں تولو پھولو بندے نے حیوان تے نیں کنداں نوں کی حال سناواں کن تے رکھن جیب نیں اکلاپےوچ جیوندیاں رہنا کم کوی آسان تے نیں تینوں اونج تے مان بڑا سی ڈگیاساں تے یار آے جھلیا پکا کرن سی آے بچ گی کدرے جان تے نیں واج پی اک وریہاں بعدتے میرا دل تد ہلیا سی دل تے میں کج بیٹھا ساں کوی کھلیا روشن دان تے نیں کیوں ربا تتی وا نے وی کدی چھڈیا میرا کھیڑا نیں میں تیرا عاجز بندہ ساں کوی تھل کوی چولستان تے نیں کوی بول پاوے تے موت ملے کوی گھٹے سنگ تے پیر پھڑن اے قاضی حشر دیہاڑے توں اینج لگدا اے انجان تے نیں یاراں نال بہاراں ہوندیاں مندا سی جگ بیتی نوں ہڈ بیتی تک تے بول رضا ہن یاری دا ارمان تے نیں