بہت سے لوگوں کو غم نے جلا کے مار دیا
بہت سے لوگوں کو غم نے جلا کے مار دیا جو بچ رہے تھے انہیں مے پلا کے مار دیا یہ کیا ادا ہے کہ جب ان کی برہمی سے ہم نہ مر سکے تو ہمیں مسکرا کے مار دیا نہ جاتے آپ تو آغوش کیوں تہی ہوتی گئے تو آپ نے پہلو سے جا کے مار دیا مجھے گلہ تو نہیں آپ کے تغافل سے مگر حضور نے ہمت بڑھا کے مار دیا نہ آپ آس بندھاتے نہ یہ ستم ہوتا ہمیں تو آپ نے امرت پلا کے مار دیا کسی نے حسن تغافل سے جاں طلب کر لی کسی نے لطف کے دریا بہا کے مار دیا جسے بھی میں نے زیادہ تپاک سے دیکھا اسی حسین نے پتھر اٹھا کے مار دیا وہ لوگ مانگیں گے اب زیست کس کے آنچل سے؟ جنہیں حضور نے دامن چھڑا کے مار دیا چلے تو خندہ مزاجی سے جا رہے تھے ہم کسی حسین نے رستے میں آ کے مار دیا رہ حیات میں کچھ ایسے پیچ و خم تو نہ تھے کسی حسین نے رستے میں آ کے مار دیا رم کی صورت اول تو جاں گداز نہ تھی کرم کا دوسرا پہلو دکھا کے مار دیا عجیب رس بھرا رہزن تھا جس نے لوگوں کو طرح طرح کی ادائیں دکھا کے مار دیا عجیب خلق سے اک اجنبی مسافر نے ہمیں خلاف توقع بلا کے مار دیا عدمؔ بڑے ادب آداب سے حسینوں نے ہمیں ستم کا نشانہ بنا کے مار دیا تعینات کی حد تک تو جی رہا تھا عدمؔ تعینات کے پردے اٹھا کے مار دیا
English rendering
Bahut se logon ko gham ne jala ke maar diya Jo bach rahe the unhein mai pila ke maar diya Yeh kya ada hai ke jab unki barhami se hum Na mar sake to hamein muskura ke maar diya Na jaate aap to aaghosh kyun tahi hoti Gaye to aapne pehlu se jaa ke maar diya Mujhe gila to nahin aap ke taghaful se Magar huzoor ne himmat badha ke maar diya Na aap aas bandhate na yeh sitam hota Hamein to aapne amrit pila ke maar diya Kisi ne husn-e-taghaful se jaan talab kar li Kisi ne lutf ke dariya baha ke maar diya Jise bhi maine zyada tapaak se dekha Usi haseen ne patthar utha ke maar diya Woh log maangen ge ab zeest kis ke aanchal se? Jinhein huzoor ne daaman chhuda ke maar diya Chale to khanda-mizaji se jaa rahe the hum Kisi haseen ne raste mein aa ke maar diya Rah-e-hayaat mein kuch aise pech-o-kham to na the Kisi haseen ne raste mein aa ke maar diya Ram ki soorat awwal to jaan-gudaaz na thi Karam ka doosra pehlu dikha ke maar diya Ajeeb ras bhara rahzan tha jisne logon ko Tarah tarah ki adaayein dikha ke maar diya Ajeeb khulq se ik ajnabi musafir ne Hamein khilaf-e-tawaqqo bula ke maar diya Adam bade adab-aadab se haseenon ne Hamein sitam ka nishana bana ke maar diya Taa'yyunat ki had tak to jee raha tha Adam Taa'yyunat ke parde utha ke maar diya