تکلیف مٹ گئی مگر احساس رہ گیا
تکلیف مٹ گئی مگر احساس رہ گیا خوش ہوں کہ کچھ نہ کچھ تو مرے پاس رہ گیا پل بھر میں اس کی شکل نہ آئی اگر نظر یک دم الجھ کے رشتۂ انفاس رہ گیا فوٹو میں دل کی چوٹ نہ تبدیل ہو سکی نقلیں اتار اتار کے عکاس رہ گیا وہ جھوٹے موتیوں کی چمک پر پھسل گئی میں ہاتھ میں لیے ہوئے الماس رہ گیا اک ہم سفر کو کھو کے یہ حالت ہوئی عدمؔ جنگل میں جس طرح کوئی بے آس رہ گیا
English rendering
Taklīf miT gaī magar ehsās rah gayā KHush hoon ke kuchh na kuchh to mere pās rah gayā Pal bhar mein us kī shakl na āī agar nazar Yak dam ulajh ke rishta-e-anfās rah gayā Photo mein dil kī choT na tabdīl ho sakī Naqlen utār utār ke akkās rah gayā Woh jhooTe motiyon kī chamak par phisal gaī Main hāth mein liye hu'e almās rah gayā Ik ham-safar ko kho ke yeh hālat huī 'Adam' Jangal mein jis tarah koī be-ās rah gayā