اس سے پہلے کہ بے وفا ہو جائیں
اس سے پہلے کہ بے وفا ہو جائیں کیوں نہ اے دوست ہم جدا ہو جائیں تو بھی ہیرے سے بن گیا پتھر ہم بھی کل جانے کیا سے کیا ہو جائیں تو کہ یکتا تھا بے شمار ہوا ہم بھی ٹوٹیں تو جا بجا ہو جائیں ہم بھی مجبوریوں کا عذر کریں پھر کہیں اور مبتلا ہو جائیں ہم اگر منزلیں نہ بن پائے منزلوں تک کا راستا ہو جائیں دیر سے سوچ میں ہیں پروانے راکھ ہو جائیں یا ہوا ہو جائیں عشق بھی کھیل ہے نصیبوں کا خاک ہو جائیں کیمیا ہو جائیں اب کے گر تو ملے تو ہم تجھ سے ایسے لپٹیں تری قبا ہو جائیں بندگی ہم نے چھوڑ دی ہے فرازؔ کیا کریں لوگ جب خدا ہو جائیں
English rendering
Is se pehle ke bewafa ho jaen Kyun na aye dost hum juda ho jaen Tu bhi heere se ban gaya patthar Hum bhi kal jaane kya se kya ho jaen Tu ke yakta tha be-shumar hua Hum bhi tootein to ja ba ja ho jaen Hum bhi majbooriyon ka uzr karein Phir kaheen aur mubtala ho jaen Hum agar manzilein na ban paye Manzilon tak ka rasta ho jaen Der se soch mein hain parwane Raakh ho jaen ya hawa ho jaen Ishq bhi khel hai naseebon ka Khaak ho jaen kimiya ho jaen Ab ke gar tu mile to hum tujh se Aise liptein teri qaba ho jaen Bandagi hum ne chhod di hai Faraz Kya karein log jab Khuda ho jaen