جس سمت بھی دیکھوں نظر آتا ہے کہ تم ہو
جس سمت بھی دیکھوں نظر آتا ہے کہ تم ہو اے جان جہاں یہ کوئی تم سا ہے کہ تم ہو یہ خواب ہے خوشبو ہے کہ جھونکا ہے کہ پل ہے یہ دھند ہے بادل ہے کہ سایا ہے کہ تم ہو اس دید کی ساعت میں کئی رنگ ہیں لرزاں میں ہوں کہ کوئی اور ہے دنیا ہے کہ تم ہو دیکھو یہ کسی اور کی آنکھیں ہیں کہ میری دیکھوں یہ کسی اور کا چہرہ ہے کہ تم ہو یہ عمر گریزاں کہیں ٹھہرے تو یہ جانوں ہر سانس میں مجھ کو یہی لگتا ہے کہ تم ہو ہر بزم میں موضوع سخن دل زدگاں کا اب کون ہے شیریں ہے کہ لیلیٰ ہے کہ تم ہو اک درد کا پھیلا ہوا صحرا ہے کہ میں ہوں اک موج میں آیا ہوا دریا ہے کہ تم ہو وہ وقت نہ آئے کہ دل زار بھی سوچے اس شہر میں تنہا کوئی ہم سا ہے کہ تم ہو آباد ہم آشفتہ سروں سے نہیں مقتل یہ رسم ابھی شہر میں زندہ ہے کہ تم ہو اے جان فرازؔ اتنی بھی توفیق کسے تھی ہم کو غم ہستی بھی گوارا ہے کہ تم ہو
English rendering
Jis simt bhi dekhun nazar aata hai ke tum ho Ay jaan-e-jahan yeh koi tum sa hai ke tum ho Yeh khwaab hai, khushboo hai, ke jhonka hai, ke pal hai Yeh dhund hai, baadal hai, ke saaya hai, ke tum ho Is deed ki sa'at mein kai rang hain larzaan Main hun ke koi aur hai, duniya hai ke tum ho Dekho yeh kisi aur ki aankhein hain ke meri Dekhun yeh kisi aur ka chehra hai ke tum ho Yeh umr-e-garezaan kahin thehre to yeh jaanun Har saans mein mujh ko yahi lagta hai ke tum ho Hr bazm mein mauzoo-e-sukhan dil-zadgaan ka Ab kaun hai, Shireen hai ke Laila hai ke tum ho Ik dard ka phaila hua sehra hai ke main hun Ik mauj mein aaya hua darya hai ke tum ho Woh waqt na aaye ke dil-e-zaar bhi soche Is shahr mein tanha koi hum sa hai ke tum ho Aabaad hum aashufta-saron se nahin maqtal Yeh rasm abhi shahr mein zinda hai ke tum ho Ay jaan-e-Faraz itni bhi taufiq kise thi Hum ko gham-e-hasti bhi gawara hai ke tum ho