جو غیر تھے وہ اسی بات پر ہمارے ہوئے
جو غیر تھے وہ اسی بات پر ہمارے ہوئے کہ ہم سے دوست بہت بے خبر ہمارے ہوئے کسے خبر وہ محبت تھی یا رقابت تھی بہت سے لوگ تجھے دیکھ کر ہمارے ہوئے اب اک ہجوم شکستہ دلاں ہے ساتھ اپنے جنہیں کوئی نہ ملا ہم سفر ہمارے ہوئے کسی نے غم تو کسی نے مزاج غم بخشا سب اپنی اپنی جگہ چارہ گر ہمارے ہوئے بجھا کے طاق کی شمعیں نہ دیکھ تاروں کو اسی جنوں میں تو برباد گھر ہمارے ہوئے وہ اعتماد کہاں سے فرازؔ لائیں گے کسی کو چھوڑ کے وہ اب اگر ہمارے ہوئے
English rendering
Jo ghair the woh isi baat par hamare hue Ke hum se dost bahut bekhabar hamare hue Kise khabar woh mohabbat thi ya raqabat thi Bahut se log tujhe dekh kar hamare hue Ab ik hujoom-e-shikasta-dilaan hai saath apne Jinhein koi na mila humsafar hamare hue Kisi ne gham to kisi ne mizaaj-e-gham bakhsha Sab apni apni jagah charahgar hamare hue Bujha ke taaq ki sham'ein na dekh taaron ko Isi junoon mein to barbaad ghar hamare hue Woh aetmaad kahan se Faraz laayenge Kisi ko chhod ke woh ab agar hamare hue