سنا ہے لوگ اسے آنکھ بھر کے دیکھتے ہیں
سنا ہے لوگ اسے آنکھ بھر کے دیکھتے ہیں سو اس کے شہر میں کچھ دن ٹھہر کے دیکھتے ہیں سنا ہے ربط ہے اس کو خراب حالوں سے سو اپنے آپ کو برباد کر کے دیکھتے ہیں سنا ہے درد کی گاہک ہے چشم ناز اس کی سو ہم بھی اس کی گلی سے گزر کے دیکھتے ہیں سنا ہے اس کو بھی ہے شعر و شاعری سے شغف سو ہم بھی معجزے اپنے ہنر کے دیکھتے ہیں سنا ہے بولے تو باتوں سے پھول جھڑتے ہیں یہ بات ہے تو چلو بات کر کے دیکھتے ہیں سنا ہے رات اسے چاند تکتا رہتا ہے ستارے بام فلک سے اتر کے دیکھتے ہیں سنا ہے دن کو اسے تتلیاں ستاتی ہیں سنا ہے رات کو جگنو ٹھہر کے دیکھتے ہیں سنا ہے حشر ہیں اس کی غزال سی آنکھیں سنا ہے اس کو ہرن دشت بھر کے دیکھتے ہیں سنا ہے رات سے بڑھ کر ہیں کاکلیں اس کی سنا ہے شام کو سائے گزر کے دیکھتے ہیں سنا ہے اس کی سیہ چشمگی قیامت ہے سو اس کو سرمہ فروش آہ بھر کے دیکھتے ہیں سنا ہے اس کے لبوں سے گلاب جلتے ہیں سو ہم بہار پہ الزام دھر کے دیکھتے ہیں سنا ہے آئنہ تمثال ہے جبیں اس کی جو سادہ دل ہیں اسے بن سنور کے دیکھتے ہیں سنا ہے جب سے حمائل ہیں اس کی گردن میں مزاج اور ہی لعل و گہر کے دیکھتے ہیں سنا ہے چشم تصور سے دشت امکاں میں پلنگ زاویے اس کی کمر کے دیکھتے ہیں سنا ہے اس کے بدن کی تراش ایسی ہے کہ پھول اپنی قبائیں کتر کے دیکھتے ہیں وہ سرو قد ہے مگر بے گل مراد نہیں کہ اس شجر پہ شگوفے ثمر کے دیکھتے ہیں بس اک نگاہ سے لٹتا ہے قافلہ دل کا سو رہروان تمنا بھی ڈر کے دیکھتے ہیں سنا ہے اس کے شبستاں سے متصل ہے بہشت مکیں ادھر کے بھی جلوے ادھر کے دیکھتے ہیں رکے تو گردشیں اس کا طواف کرتی ہیں چلے تو اس کو زمانے ٹھہر کے دیکھتے ہیں کسے نصیب کہ بے پیرہن اسے دیکھے کبھی کبھی در و دیوار گھر کے دیکھتے ہیں کہانیاں ہی سہی سب مبالغے ہی سہی اگر وہ خواب ہے تعبیر کر کے دیکھتے ہیں اب اس کے شہر میں ٹھہریں کہ کوچ کر جائیں فرازؔ آؤ ستارے سفر کے دیکھتے ہیں
English rendering
Suna hai log usay aankh bhar ke dekhte hain So us ke shehr mein kuchh din thehar ke dekhte hain Suna hai rabt hai us ko kharab haalon se So apne aap ko barbad kar ke dekhte hain Suna hai dard ki gaahak hai chashm-e-naaz us ki So hum bhi us ki gali se guzar ke dekhte hain Suna hai us ko bhi hai sher-o-shayari se shagaf So hum bhi mojize apne hunar ke dekhte hain Suna hai bole to baaton se phool jhadte hain Yeh baat hai to chalo baat kar ke dekhte hain Suna hai raat usay chand takta rehta hai Sitare baam-e-falak se utar ke dekhte hain Suna hai din ko usay titliyan satati hain Suna hai raat ko jugnu thehar ke dekhte hain Suna hai hashr hain us ki ghazal si aankhen Suna hai us ko hiran dasht bhar ke dekhte hain Suna hai raat se badh kar hain kakulein us ki Suna hai shaam ko saaye guzar ke dekhte hain Suna hai us ki siyah chashmgi qayamat hai So us ko surma farosh aah bhar ke dekhte hain Suna hai us ke labon se gulaab jalte hain So hum bahar pe ilzaam dhar ke dekhte hain Suna hai aaina timsaal hai jabeen us ki Jo saada dil hain usay bin sanwar ke dekhte hain Suna hai jab se hamaail hain us ki gardan mein Mizaj aur hi laal-o-gauhar ke dekhte hain Suna hai chashm-e-tasavvur se dasht-e-imkaan mein Palang zawiye us ki kamar ke dekhte hain Suna hai us ke badan ki tarash aisi hai Ke phool apni qabain katar ke dekhte hain Wo sarv-e-qad hai magar be-gul muraad nahin Ke is shajar pe shagufe samar ke dekhte hain Bas ek nigah se lutta hai qafla-e-dil ka So rehravan-e-tamanna bhi dar ke dekhte hain Suna hai us ke shabistan se muttasil hai behisht Makeen udhar ke bhi jalwe idhar ke dekhte hain Ruke to gardishen us ka tawaf karti hain Chale to us ko zamane thehar ke dekhte hain Kise naseeb ke be-pairahan usay dekhe Kabhi kabhi dar-o-deewar ghar ke dekhte hain Kahaniyan hi sahi sab mubalaghe hi sahi Agar wo khwab hai tabeer kar ke dekhte hain Ab us ke shehr mein thehren ke koch kar jaayen Faraz, aao sitare safar ke dekhte hain