ابھی تو پر بھی نہیں تولتا اڑان کو میں — اختر عثمان
شاعر
ابھی تو پر بھی نہیں تولتا اڑان کو میں
ابھی تو پر بھی نہیں تولتا اڑان کو میں
بلا جواز کھٹکتا ہوں آسمان کو میں
مفاہمت نہ سکھا دشمنوں سے اے سالار
تری طرف نہ کہیں موڑ دوں کمان کو میں
مری طلب کی کوئی چیز شش جہت میں نہیں
ہزار چھان چکا ہوں تری دکان کو میں
نہیں قبول مجھے کوئی بھی نئی ہجرت
کٹاؤں کیوں کسی بلوے میں خاندان کو میں
تجھے نخیل فلک سے پٹخ نہ دوں آخر
ترے سمیت گرا ہی نہ دوں مچان کو میں
یہ کائنات مرے سامنے ہے مثل بساط
کہیں جنوں میں الٹ دوں نہ اس جہان کو میں
جسے پہنچ نہیں سکتا فلاسفہ کا شعور
یقیں کے ساتھ ملاتا ہوں اس گمان کو میں
اختر عثمان
Abhi to par bhi nahin tolta udaan ko main
Abhi to par bhi nahin tolta udaan ko main
Bila jawaaz khatakta hoon aasman ko main
Mufahimat na sikha dushmanon se ae salaar
Teri taraf na kahin mod doon kamaan ko main
Meri talab ki koi cheez shash jehat mein nahin
Hazaar chhan chuka hoon teri dukaan ko main
Nahin qabool mujhe koi bhi nai hijrat
Kataun kyuun kisi balway mein khaandaan ko main
Tujhe nakheel-e-falak se patakh na doon aakhir
Tere samet gira hi na doon machaan ko main
Ye kainat mere saamne hai misl-e-bisaat
Kahin junoon mein ulat doon na is jahan ko main
Jise pahunch nahin sakta filasfa ka shaoor
Yaqeen ke saath milata hoon us gumaan ko main
شاعر کے بارے میں
اختر عثمان عہدِ حاضر کے اُن اہم اردو شعرا میں شمار ہوتے ہیں جنہوں نے جدید اردو شاعری کو سماجی شعور، فکری گہرائی اور داخلی کرب کے نئے زاویے عطا کیے۔ ان کا اصل نام اختر محمود ہے اور وہ 4 اپریل 1969ء کو اسلام آباد میں پیدا ہوئے، جبکہ ان کا آبائی تعلق ڈیرہ غازی خان سے ہے۔ ان کی ابتدائی زندگی راولپنڈی میں گزری جہاں انہوں نے سینٹ پالز کیمبرج اسکول سے ...
مکمل تعارف پڑھیں