میں کیا کہتا تھا — اختر عثمان
شاعر
میں کیا کہتا تھا
میں یہ کہتا تھا کہ نوحہ نہ کہو
کھیلتی تتلیوں ہنستی ہوئی کلیوں کے قصیدے لکھو
یہ جو امکاں میں کوئی باس دمکتی ہے
اسے لفظ میں لاؤ کسی دل میں لکھے
لفظ جو دل کے دباؤ کو گھٹا دیتا ہے
دل جو اک حشر اٹھا دیتا ہے
میں یہ کہتا تھا
چہکتی ہوئی چڑیوں کے لیے گیت لکھو
ان درختوں سے لپٹ جاؤں
جو جلتے ہیں مگر سایہ کناں رہتے ہیں
ورنہ دل صرف خزاں رہتے ہیں
ابر کی بات کرو
اشک تہ چشم دبے رہنے دو
میں یہ کہتا تھا
کہیں دور کھنکتی ہوئی قلقاری کو
اپنے احساس کی کیاری میں نمو پانے دو
وہ جو فردا کے چمن میں ہے نگار ممکن
اسے الفاظ کی مہکار میں سو جا نے دو
میں یہ کہتا تھا
مگر کیا میں یہی کہتا تھا
اختر عثمان
main kya kehta tha
main yeh kehta tha ki nauha na kaho
khelti titliyon hansti hui kaliyon ke qaside likho
yeh jo imkaan mein koi baas damakti hai
use lafz mein lao kisi dil mein likhe
lafz jo dil ke dabao ko ghata deta hai
dil jo ek hashr utha deta hai
main yeh kehta tha
chehakti hui chidiyon ke liye geet likho
un darakhton se lipat jaaun
jo jalte hain magar saya kunan rehte hain
warna dil sirf khazan rehte hain
abr ki baat karo
ashk teh-e-chashm dabe rehne do
main yeh kehta tha
kahin door khanati hui qalqari ko
apne ehsas ki kiyari mein namo pane do
wo jo farda ke chaman mein hai nigaar-e-mumkin
use alfaaz ki mehkaar mein so jane do
main yeh kehta tha
magar kya main yehi kehta tha
شاعر کے بارے میں
اختر عثمان عہدِ حاضر کے اُن اہم اردو شعرا میں شمار ہوتے ہیں جنہوں نے جدید اردو شاعری کو سماجی شعور، فکری گہرائی اور داخلی کرب کے نئے زاویے عطا کیے۔ ان کا اصل نام اختر محمود ہے اور وہ 4 اپریل 1969ء کو اسلام آباد میں پیدا ہوئے، جبکہ ان کا آبائی تعلق ڈیرہ غازی خان سے ہے۔ ان کی ابتدائی زندگی راولپنڈی میں گزری جہاں انہوں نے سینٹ پالز کیمبرج اسکول سے ...
مکمل تعارف پڑھیں