فریب خانۂ دنیا بھی دیکھتے چلئے — اختر عثمان
شاعر
فریب خانۂ دنیا بھی دیکھتے چلئے
فریب خانۂ دنیا بھی دیکھتے چلئے
روا روی میں تماشا بھی دیکھتے چلئے
خود اپنا مسکن فردا بھی دیکھتے چلئے
اب آ گئے ہیں تو صحرا بھی دیکھتے چلئے
نہ جانے پھر یہ تلاطم نصیب ہو کہ نہ ہو
اس اوج موج میں دریا بھی دیکھتے چلئے
بقدر سیریٔ عرفاں کوئی بھی رنگ نہیں
دکان زیست کو جتنا بھی دیکھتے چلئے
چراغ نقش کف پا جلائیے ہر سو
مگر ہوا کا اشارہ بھی دیکھتے چلئے
اختر عثمان
Fareb-khana-e-duniya bhi dekhte chaliye
Fareb-khana-e-duniya bhi dekhte chaliye
Rawa-rawi mein tamasha bhi dekhte chaliye
Khud apna maskan-e-farda bhi dekhte chaliye
Ab aa gaye hain to sehra bhi dekhte chaliye
Na jaane phir ye talatum naseeb ho ke na ho
Is auj-e-mauj mein darya bhi dekhte chaliye
Ba-qadr-e-sairi-e-irfan koi bhi rang nahin
Dukaan-e-zeest ko jitna bhi dekhte chaliye
Charagh-e-naqsh-e-kaf-e-pa jalaiye har soo
Magar hawa ka ishaara bhi dekhte chaliye
شاعر کے بارے میں
اختر عثمان عہدِ حاضر کے اُن اہم اردو شعرا میں شمار ہوتے ہیں جنہوں نے جدید اردو شاعری کو سماجی شعور، فکری گہرائی اور داخلی کرب کے نئے زاویے عطا کیے۔ ان کا اصل نام اختر محمود ہے اور وہ 4 اپریل 1969ء کو اسلام آباد میں پیدا ہوئے، جبکہ ان کا آبائی تعلق ڈیرہ غازی خان سے ہے۔ ان کی ابتدائی زندگی راولپنڈی میں گزری جہاں انہوں نے سینٹ پالز کیمبرج اسکول سے ...
مکمل تعارف پڑھیں