ہر عکس مرا عکس ہو اتنا بھی نہیں میں — اختر عثمان
شاعر
ہر عکس مرا عکس ہو اتنا بھی نہیں میں
ہر عکس مرا عکس ہو اتنا بھی نہیں میں
اس آئنہ خانے میں کہیں تو ہے کہیں میں
یہ میرے بدن پر جو سلگنے کے نشاں ہیں
یوں ہیں کہ ذرا بھر کو ہوا اس کے قریں میں
اک وقت میں کتنے ہی گمانوں سے گزر کر
لکھتا ہوں یہ کچھ لفظ سر لوح یقیں میں
یہ عالم نابود ہے یا بود ہے کیا ہے
میں کہتا ہوں میں ہوں کوئی کہتا ہے نہیں میں
وہ در تو بنا ہے نہ بنے گا کبھی اخترؔ
جس کے لئے پھرتا ہوں لئے اپنی جبیں میں
اختر عثمان
Har aks mira aks ho itna bhi nahin main
Har aks mira aks ho itna bhi nahin main
Is aaina-khane mein kahin to hai kahin main
Ye mere badan par jo sulagne ke nishan hain
Yun hain ke zara bhar ko hawa us ke qareen mein
Ek waqt mein kitne hi gumanon se guzar kar
Likhta hoon ye kuch lafz sar-e-lauh-e-yaqeen mein
Ye alam-e-naabood hai ya bood hai kya hai
Main kehta hoon main hoon koi kehta hai nahin main
Woh dar to bana hai na banega kabhi Akhtar!
Jis ke liye phirta hoon liye apni jabeen mein
شاعر کے بارے میں
اختر عثمان عہدِ حاضر کے اُن اہم اردو شعرا میں شمار ہوتے ہیں جنہوں نے جدید اردو شاعری کو سماجی شعور، فکری گہرائی اور داخلی کرب کے نئے زاویے عطا کیے۔ ان کا اصل نام اختر محمود ہے اور وہ 4 اپریل 1969ء کو اسلام آباد میں پیدا ہوئے، جبکہ ان کا آبائی تعلق ڈیرہ غازی خان سے ہے۔ ان کی ابتدائی زندگی راولپنڈی میں گزری جہاں انہوں نے سینٹ پالز کیمبرج اسکول سے ...
مکمل تعارف پڑھیں