جہاں کو خط تناسب پہ لا بنایا ہے — اختر عثمان
شاعر
جہاں کو خط تناسب پہ لا بنایا ہے
جہاں کو خط تناسب پہ لا بنایا ہے
کسی نے خاک سے دیکھو تو کیا بنایا ہے
اس اہتمام سے پیکر ترا تراشتا ہوں
گمان گزرے کہ جیسے بنا بنایا ہے
مرے چراغ کی لو کا سفر ہوا کے خلاف
مرے جنوں نے نیا راستہ بنایا ہے
کسی کے مرقد خستہ سے آ رہی ہے صدا
ہمارے بعد کی نسلوں نے کیا بنایا ہے
اختر عثمان
jahan ko khatt-e-tanasub pe la banaya hai
jahan ko khatt-e-tanasub pe la banaya hai
kisi ne khaak se dekho to kya banaya hai
is ehtamam se paikar tera tarashta hoon
gumaan guzre ki jaise bana banaya hai
mere chiragh ki lau ka safar hawa ke khilaf
mere junoon ne naya rasta banaya hai
kisi ke marqad-e-khasta se aa rahi hai sada
hamare baad ki naslon ne kya banaya hai
شاعر کے بارے میں
اختر عثمان عہدِ حاضر کے اُن اہم اردو شعرا میں شمار ہوتے ہیں جنہوں نے جدید اردو شاعری کو سماجی شعور، فکری گہرائی اور داخلی کرب کے نئے زاویے عطا کیے۔ ان کا اصل نام اختر محمود ہے اور وہ 4 اپریل 1969ء کو اسلام آباد میں پیدا ہوئے، جبکہ ان کا آبائی تعلق ڈیرہ غازی خان سے ہے۔ ان کی ابتدائی زندگی راولپنڈی میں گزری جہاں انہوں نے سینٹ پالز کیمبرج اسکول سے ...
مکمل تعارف پڑھیں