سلسلے ٹوٹ گئے ۔۔۔
اٹھ گیا رات کے چہرے سے ستاروں کا کفن سبزہ وگل پہ ابھی تک ہے وہی پہلا نکھار صبح کی آنکھ میں انگڑائیاں لیتا ہے خمار دن کے ہمراہ چلا قافلۂ رنگ وبہار! سینۂ خاک پہ رقصاں ہے وہی روحِ حیات وہی کلیوں کی خموشی ، وہی غنچوں کا ثبات نور خورشید سے زروں کی جبیں روشن ہے ! دشت و کہسار میں ہے پھر وہی کرنوں کا خرام پھر وہی شور ، وہی کشمکشِ دانہ ودام پھر اسی مرکزِ آلام پہ لوٹ آیا ہوں پھر وہی حسن سے حیوان کی چارہ جوئی پھر وہ انسان سے انسان کی چارہ جوئی سلسلے ٹوٹ گئے خواب کی زنجیروں کے میری پلکوں پہ ستارے سے لرز کر ٹوٹے اس کے ہونٹوں پہ سہارے سے لرز کر ٹوٹے
English rendering
uTh gaya raat ke chehre se sitaron ka kafan sabza-o-gul pe abhi tak hai wahi pehla nikhaar subh ki aankh mein angRaiyaan leta hai khumar din ke hamrah chala qafla-e-rang-o-bahar! seena-e-khak pe raqsaan hai wahi rooh-e-hayat wahi kaliyon ki khamoshi, wahi ghunchon ka subaat noor-e-khursheed se zarron ki jabeen roshan hai ! dasht-o-kohsar mein hai phir wahi kirnon ka kharaam phir wahi shor, wahi kashmakash-e-dana-o-daam phir isi markaz-e-alaam pe lauT aaya hun phir wahi husn se haivan ki chara-jooi phir woh insaan se insaan ki chara-jooi silsile toot gaye khwab ki zanjeeron ke meri palkon pe sitare se laraz kar tooTe uske honton pe sahare se laraz kar tooTe