آل رضا رضا

English rendering

Junoon bigdi hui halat ke banne ka guman kab tak Gireban ja chuka kab ka raheingi dhajjiyan kab tak Mohabbat na shinasoñ mein mohabbat ki faghan kab tak Na jaane kat ke dil se kaam de gi ab zaban kab tak Taiyya kar chuke jis bewafa ko bhool jaane ka Usi ki yaad akhir dil mein le gi chatkiyan kab tak Idhar tinka uthaya aur udhar phir barq ne poocha Ke phir tayyar ho jayega ban kar aashiyan kab tak Khule kuch paikar-e-umeed ya yeh wahm mit jaaye Nazar aayengi dhundhli dhundhli si parchhaiyan kab tak Tumhari aas par kis kis tarah dil ko na samjhaya Magar yeh ihtimam-e-khud-farebi meherban kab tak Razaؔ kab se yehi faryad hai bagh-e-tamanna ki Mujhe loote chala jayega mera baghban kab tak