تری سوکھے ہوئے ہونٹوں پہ آ جانے سے کیا ہوگا
تری سوکھے ہوئے ہونٹوں پہ آ جانے سے کیا ہوگا بہت ترسے ہیں ساقی ایک پیمانے سے کیا ہوگا جو آنکھیں دیکھتی رہتی ہیں جھٹلانے سے کیا ہوگا نظر تڑپا رہی ہے دل کو بہلانے سے کیا ہوگا نشیمن کی بنا رکھی ہے کچھ تو سوچ کر ہم نے چما چم بجلیاں ہر سو چمک جانے سے کیا ہوگا محبت نے کہا تیار کر کے پہلا دیوانہ ابھی لاکھوں بنیں گے ایک دیوانے سے کیا ہوگا ہزاروں انقلاب درد ہیں کروٹ سے کروٹ تک تڑپتے ہی رہو پہلو بدل جانے سے کیا ہوگا رضاؔ دیکھو جو تم ان کی طرف سے دل میں کہتے تھے طبیعت میں ذرا سا انقلاب آنے سے کیا ہوگا
English rendering
Teri sookhe hue honton pe aa jaane se kya hoga Bohat tarse hain saaqi ek paimane se kya hoga Jo aankhein dekhti rehti hain jhutlane se kya hoga Nazar tadpa rahi hai dil ko behlane se kya hoga Nasheeman ki bana rakhi hai kuch to soch kar hum ne Chama cham bijliyan har soo chamak jaane se kya hoga Mohabbat ne kaha tayyar kar kar ke pehla deewana Abhi lakhon banenge ek deewane se kya hoga Hazaron inqilab-e-dard hain karwat se karwat tak Tarapte hi raho pehlu badal jaane se kya hoga Razaؔ dekho jo tum un ki taraf se dil mein kehte thay Tabiyat mein zara sa inqilab aane se kya hoga