آج
کار فرما پھر مرا ذوق غزل خوانی ہے آج پھر نفس کا ساز گرم شعلہ افشانی ہے آج پھر نگاہ شوق کی گرمی ہے اور روئے نگار پھر عرق آلود اک کافر کی پیشانی ہے آج پھر مرے لب پر قصیدے ہیں لب و رخسار کے پھر کسی چہرے پہ تابانی سی تابانی ہے آج حسن اس درجہ نشاط حسن میں ڈوبا ہوا انکھڑیاں بے خود شمیم زلف دیوانی ہے آج لرزش لب میں شراب و شعر کا طوفان ہے جنبش مژگاں میں افسون غزل خوانی ہے آج وہ نفس کی زمزمہ سنجی نظر کی گفتگو سینۂ معصوم میں اک طرفہ طغیانی ہے آج یاں بایں عالم غرور یوسفیت بھی نہیں واں زلیخائی بہ عزم چاکدامانی ہے آج واں اشارے ہیں بہک جانا ہی عیش ہوش ہے ہوش میں رہنا یقیناً سخت نادانی ہے آج کش مکش سی کش مکش میں ہے مذاق عاشقی کامراں سی کامراں ہر سعئ امکانی ہے آج حسن کے چہرے پہ ہے نور صداقت کی دمک عشق کے سر پر کلاہ فخر انسانی ہے آج شوق سے موقع شناسی کی توقع بھی غلط میں نے ان کی شکل بھی مشکل سے پہچانی ہے آج
English rendering
Kaar farma phir mera zauq-e-ghazal khwani hai aaj Phir nafas ka saaz-e-garm shola-afshani hai aaj Phir nigah-e-shauq ki garmi hai aur roo-e-nigar Phir araq-alood ik kafir ki peshani hai aaj Phir mere lab par qaside hain lab o rukhsar ke Phir kisi chehre pe tabani si tabani hai aaj Husn is darja nishat-e-husn mein doba hua Ankhadiyan be-khud shamim-e-zulf diwani hai aaj Larazish-e-lab mein sharab o sher ka tufan hai Jumbish-e-mizghan mein afsun-e-ghazal khwani hai aaj Woh nafas ki zamzama-sanji nazar ki guftugu Seena-e-masum mein ik tarfa tughyani hai aaj Yan baen alam-e-gharur-e-Yusufiyat bhi nahin Wan Zulaikha-i ba azm-e-chak-damani hai aaj Wan ishare hain behak jaana hi aish-e-hosh hai Hosh mein rehna yaqeenan sakht nadani hai aaj Kashmakash si kashmakash mein hai mazaq-e-ashiqi Kamran si kamran har sa'i-e-imkani hai aaj Husn ke chehre pe hai noor-e-sadaqat ki damak Ishq ke sar par kulah-e-fakhr-e-insani hai aaj Shauq se mauqa-shinasi ki tawaqqo bhi ghalat Main ne un ki shakl bhi mushkil se pehchani hai aaj