اعتراف
اب مرے پاس تم آئی ہو تو کیا آئی ہو میں نے مانا کہ تم اک پیکر رعنائی ہو چمن دہر میں روح چمن آرائی ہو طلعت مہر ہو فردوس کی برنائی ہو بنت مہتاب ہو گردوں سے اتر آئی ہو مجھ سے ملنے میں اب اندیشۂ رسوائی ہے میں نے خود اپنے کیے کی یہ سزا پائی ہے خاک میں آہ ملائی ہے جوانی میں نے شعلہ زاروں میں جلائی ہے جوانی میں نے شہر خوباں میں گنوائی ہے جوانی میں نے خواب گاہوں میں جگائی ہے جوانی میں نے حسن نے جب بھی عنایت کی نظر ڈالی ہے میرے پیمان محبت نے سپر ڈالی ہے ان دنوں مجھ پہ قیامت کا جنوں طاری تھا سر پہ سرشارئ عشرت کا جنوں طاری تھا ماہ پاروں سے محبت کا جنوں طاری تھا شہریاروں سے رقابت کا جنوں طاری تھا بستر مخمل و سنجاب تھی دنیا میری ایک رنگین و حسیں خواب تھی دنیا میری جنت شوق تھی بیگانہ آفات سموم درد جب درد نہ ہو کاوش درماں معلوم خاک تھے دیدۂ بیباک میں گردوں کے نجوم بزم پرویں تھی نگاہوں میں کنیزوں کا ہجوم لیلیٰ ناز برافگندہ نقاب آتی تھی اپنی آنکھوں میں لیے دعوت خواب آتی تھی سنگ کو گوہر نایاب و گراں جانا تھا دشت پر خار کو فردوس جواں جانا تھا ریگ کو سلسلۂ آب رواں جانا تھا آہ یہ راز ابھی میں نے کہاں جانا تھا میری ہر فتح میں ہے ایک ہزیمت پنہاں ہر مسرت میں ہے راز غم و حسرت پنہاں کیا سنوگی مری مجروح جوانی کی پکار میری فریاد جگر دوز مرا نالۂ زار شدت کرب میں ڈوبی ہوئی میری گفتار میں کہ خود اپنے مذاق طرب آگیں کا شکار وہ گداز دل مرحوم کہاں سے لاؤں اب میں وہ جذبۂ معصوم کہاں سے لاؤں میرے سائے سے ڈرو تم مری قربت سے ڈرو اپنی جرأت کی قسم اب میری جرأت سے ڈرو تم لطافت ہو اگر میری لطافت سے ڈرو میرے وعدوں سے ڈرو میری محبت سے ڈرو اب میں الطاف و عنایت کا سزا وار نہیں میں وفادار نہیں ہاں میں وفادار نہیں اب مرے پاس تم آئی ہو تو کیا آئی ہو
English rendering
Ab mere paas tum aayi ho to kya aayi ho Main ne mana ke tum ik paikar-e-ra'anai ho Chaman-e-dahr mein ruh-e-chaman-arai ho Talat-e-mehr ho firdos ki barnai ho Bint-e-mehtab ho gardon se utar aayi ho Mujh se milne mein ab andesha-e-ruswai hai Main ne khud apne kiye ki ye saza paayi hai Khak mein aah milayi hai jawani main ne Shola-zaron mein jalayi hai jawani main ne Shehr-e-khooban mein ganwayi hai jawani main ne Khwab-gahon mein jagayi hai jawani main ne Husn ne jab bhi inayat ki nazar dali hai Mere paiman-e-mohabbat ne sipar dali hai In dinon mujh pe qayamat ka junoon tari tha Sar pe sarshari-e-ishrat ka junoon tari tha Mah-paron se mohabbat ka junoon tari tha Shehryaron se raqabat ka junoon tari tha Bistar-e-makhmal o sanjab thi duniya meri Ek rangin o hasin khwab thi duniya meri Jannat-e-shauq thi begana-e-afat-e-samoom Dard jab dard na ho kawish-e-darmaan maloom Khak the dida-e-bebakh mein gardon ke nujoom Bazm-e-parveen thi nigahon mein kanizon ka hujoom Laila-e-naz bar-afganda niqab aati thi Apni aankhon mein liye dawat-e-khwab aati thi Sang ko gauhar-e-nayab o garan jana tha Dasht-e-pur-khar ko firdos-e-jawan jana tha Raig ko silsila-e-aab-e-rawan jana tha Aah ye raaz abhi main ne kahan jana tha Meri har fateh mein hai ek hazimat-e-pinhan Har masarrat mein hai raaz-e-gham o hasrat-e-pinhan Kya sunogi meri majrooh jawani ki pukar Meri faryad-e-jigar-doz mera nala-e-zaar Shiddat-e-karb mein doobi hui meri guftar Main ke khud apne mazaq-e-tarab-agin ka shikar Woh gudaz-e-dil-e-marhoom kahan se laoon Ab main woh jazba-e-masum kahan se laoon Mere saye se daro tum meri qurbat se daro Apni jurrat ki qasam ab meri jurrat se daro Tum latafat ho agar meri latafat se daro Mere waadon se daro meri mohabbat se daro Ab main altaf o inayat ka saza war nahin Main wafadar nahin haan main wafadar nahin Ab mere paas tum aayi ho to kya aayi ho